等咗四年，新一屆世界盃又開始喇！今年由俄羅斯主辦，喺香港睇直播唔使捱更抵夜，不過想更有氣氛，更係要飛到現場睇。

今屆世界盃邀請到Robbie Williams助陣開幕禮，喺球場上獻唱了《Let Me Entertain You》及《Angel》兩首歌，原來除咗Robbie Williams，香港天王級歌手陳奕迅（Eason）都有出席開幕禮，不過電視畫面直播見到佢只係座上客，唔係表演嘉賓。

揭幕戰由俄羅斯對沙地阿拉伯，Eason雖然冇着波衫唔知佢捧邊隊，不過佢身處沙地阿拉伯嘅球迷堆中，應該唔會大大力支持俄羅斯喇…至於Eason老婆徐濠縈，今日下午先喺香港出席完活動，應該冇陪老公飛到去當地睇波。

Eason經理人甘菁菁接受《蘋果》電話訪問表示：「因為Budweiser係世界盃贊助商，Eason係啤酒代言人，所以廣告商請我哋去睇，坐喺VIP位置。」問到Eason捧邊隊？甘菁菁轉述：「佢話淨係想睇一場好嘅賽事，冇話特別捧邊隊。」

另外，Robbie Williams於獻唱《Angels》期間對住鏡頭舉中指，就咗直播出街，仲俾將段片放上YouTube。

一網睇盡 足動世盃 直擊俄國最前線 https://hk.feature.appledaily.com/worldcup2018/

【世盃開波】Eason睇揭幕戰 捧俄羅斯定沙地阿拉伯？

張敬軒在今晚紅館個唱上，不避嫌唱一首關於密友關智斌的歌——為對方作曲的《預言書》。感性地謂：「去年喺我嘅生活中，經歷比工作搵錢更加重要嘅事，經歷過幾次生離死別，好多謝大家支持，選擇睇我嘅演唱會，之前賣飛睇住黑洞表（絕望座位表），我都唔好意思，噚晚自己仍然分緊飛，感恩大家支持我。」

軒仔透露之前認識位年輕人，對方好鍾意音樂，名字叫Toby。他說：「我見到佢，就好似見到以前嘅我，覺得好鼓舞，但呢個年輕人患咗末期癌症。我放工會去探佢。佢最後一段時間，我同佢錄咗幾首歌，每次錄歌之前，佢都要打嗎啡，打完嗎啡再錄歌，我但願我有呢個勇氣，有佢嘅毅力完成夢想。

「我應承過佢，將同佢合唱歌收錄唱片、帶上紅館……Toby，我哋今晚上紅館。」語畢，軒仔獻唱《預言書》，唱到中段感觸落淚，更跪地而唱。

【預言書悼念歌迷】張敬軒跪地感觸落淚：每次錄歌前，佢都要打嗎啡…

升格做英國薩塞克斯公爵夫人的梅根，今日陪英女王女皇出訪柴郡（Cheshire），更是首次無老公哈里王子在身邊，她獲女皇邀請一同乘坐皇家火車，並在列車內過夜，待遇非常特別！

梅根單獨和英女王一齊，她可能收到妯娌凱蒂提示，衣著亦越來越端莊時尚。今次㨂了大婚時婚紗品牌Givenchy，穿上杏色cape dress ，配上黑色幼腰帶、黑鞋及clutch ，素色低調的優雅，完全不會搶愛鮮色打扮的英女王風頭。

【add即時．尚】單獨陪英女王 梅根encore大婚婚紗品牌

胡楓同羅蘭落台後，軒仔又換新look出場，全身紅衫紅褲，仲有露背誘惑，戴GATSBY款嘅頭飾，軒仔話第一part係火，所以自己係火雞；跟住佢飲咗啖水，有男歌迷興奮大叫，軒仔搞鬼話：「我冇所謂，但有記者在場會影。」跟住男歌迷仲餵軒仔飲水。

軒仔話：「雖然之前生活上有啲考驗，感恩2014演唱會後，仲有人買飛支持我演唱會。」講完就向四面觀眾鞠躬。

唱《靈魂相認》時，軒仔換第5套歌衫登場，造型好搞鬼，既似啡色嘅枯葉裝，但又有啲似梅艷芳參加《新秀》嘅戰衣。唱完歌之後，軒仔見歌迷攞住燈牌，抵死話：「我好心情講嘢嘅時候，點知擰轉面見到你個『DXLM』燈牌，呢四隻字嘅力量，堪比破地獄力量。」

【驚現DXLM燈牌】張敬軒驚歎：呢四隻字嘅力量，堪比破地獄！

陳展鵬最近被業主控訴，話佢之前租住將軍澳維景灣畔一個800多呎3房高層單位，提前退租不特止仲欠租，而且屋內有損壞，包括地板、冷氣機等等。陳展鵬同日出席活動時，帶齊WhatsApp截圖做證據，反駁業主嘅指控。

過咗一日，事件仲未平息，今日業主同樣攞齊證據，向周刊再爆料，指摘陳展鵬包括租約、熱水爐及無理由下失去聯絡。噚晚連大台《東張西望》都有講解按金係唔可以代替租金一事，講番句公道話。

業主同樣攞住白紙黑字嘅證據，再次控訴陳展鵬三宗罪，包括租約、熱水爐及無理由下失去聯絡。

【租約問題】 之前陳展鵬就咁樣同傳媒講︰「一年內有問題，就可以一個月前通知業主，但要畀一個月就可以冇事，並唔係冇交成年租。」而業主就攞出租約，租約裡面第一項就寫明︰「由2017年5月1日起至2019年4月30日止。規定租客在租用期內不得退租，否則按照所餘租期之時間賠償租金。如租客在租用期一年內退租，業主有權扣除一個月按金之數目以彌補損失。」

租約入面關於「退租」嘅條款，仲有一項：「租約期滿，住客如繼續租賃或退租，須於一個月之前以書面通知。」業主反駁陳展鵬話一年內有問題，一個月通知業主就可以搬走嘅講法，業主仲話︰「租約係陳生提供，內容係睇清楚先至簽。」

根據《2004年業主與租客 (綜合)(修訂)條例》，2004年7月9日當日或之後簽立的住宅租賃，這類租賃將按照租約條款，或業主與租客同意的其他方式予以終止。如租賃並無規定或雙方亦無協定其他方式終止租賃，依據普通法原則，固定期租賃 (fixed term tenancies)將在租期屆滿時終止，惟就固定期租賃 (fixed term tenancies)而言，不得早於租賃期屆滿日。

【熱水爐爭拗】 至於陳展鵬話佢屋企最緊要係嗰煤氣爐，嗰日佢就咁講︰「煤氣爐好重要，因為我媽咪洗碗嘅時候，天氣凍，年紀大，隻手唔可以凍，要熱水。係入伙前，四月份已同佢講，煤氣爐要換過嗰新，唔係拖一兩日…係幾個月，真係已經頂唔順，冬天真係太凍，我搵煤氣公司上去，你唔搞我就自己搞，我留張單俾你，搞下搞下搞到上年年尾先至換。」

不過業主就反駁稱，一月份收到陳展鵬通知，話工人房熱水爐壞咗。但因為煤氣單係陳展鵬個名，故業主叫陳搵煤氣公司上嚟更換，費用由業主俾。點知過咗段時間，陳展鵬同業主講煤氣公司換唔到，叫業主諗辦法。最後業主幫佢換咗一部，費用由業主支付。業主又稱：「我有單有據，陳生幾時有俾過錢呢？」

業主仲攞出WhatsApp截圖指，陳展鵬喺2018年1月2日向業主表示︰「熱水爐用不到，請安排維修師傅。」而業主提供單據證明喺2018年2月28日，用$3,899蚊喺該單位買咗部12L嘅熱水爐，仲係2018年3月2日完成安裝。

【失聯絡】 業主仲話陳展鵬係個對數口精嘅人，初初租住時，有多嘢要換，都係由業主俾錢。業主話︰「好似窗簾路軌，$88蚊佢都叫我俾，我都俾番佢。證明陳生數目好清晰嘅。」業主仲重伸陳展鵬斷晒聯絡，無法協商，所以先至搵傳媒協助，迫陳展鵬現身。

【同場加映】 至於噚晚大台節目《東張西望》都有講陳展鵬單新聞，喺尾段主持人陳庭欣就話︰「究竟按金係咪可以代替租金呢？」之後陳庭欣根據租約條例解釋話︰「一般租約列明按金係唔可以代替租金，按金係業主收番單位時，去到單位檢查過冇問題先至退番按金。咁當然如果業主同租客，雙方達成共識，係可以嘅。」

精選娛聞，喺晒《娛果》 http://fb.com/appledailyent

【《東張》抽水】租務糾紛未了 業主指陳展鵬數口精：$88都叫我俾番佢

軒仔張敬軒今晚紅館個唱頭場，甫現身就以驚艷「降兩度」形象登場，又做港女招牌手勢，鞠躬時又以手掩Pat pat驚走光（係呀，佢著咗條熱褲仔呀），仲話自己為咗演唱會做咗人生最重要嘅事：「就係剃腳毛，用咗個幾鐘。」

之後「降兩度」連唱《Crazy in love》、泰文版《失戀》、唱印度話《Jai ho》、韓文《No Body》，終於用廣東歌，然後話：「開心時間過得好快，我嘅演唱會已經到尾聲，歡迎大家嚟到紅館睇史上最短演唱會，自己真係好唔捨得個舞台，如果今晚買飛嚟睇我嘅人，睇完呢首歌可以走啦，由黃色大門出去。」

唱完《女神》之後，現場奏起《香港小姐》音樂，有人出場幫軒仔加冕、着斗篷，軒仔拿着權杖向四面觀眾揮手飛吻，但行行吓佢踩到斗篷，kick咗一kick。

軒仔唱完《女神》後，就有表演嘉賓出場，就係胡楓同羅蘭姐！

修哥先由升降台由台下升上嚟，佢話：「監製叫我嚟做表演嘉賓，我即刻應承，點知嚟到唔可以唱歌，淨係嚟講嘢。當我黃子華咩？」眾笑，修哥再說：「自己答應咗先，上到台，自己鍾意唱歌又得，跳舞又得。」之後修哥就唱咗幾句《愛是永恆》。

輪到羅蘭姐上台，即同修哥講：「我一直喺下面等緊你呀。」修哥即回曲羅蘭姐一句：「啋！我同你有排都未去下面啦。」羅蘭即刻更正：「我係講喺下面嘅升降台等埋胡楓升上台。」之後，羅蘭講返點同軒仔相識，提及軒仔喺意大利買咗個十字架畀佢。

【修哥羅蘭任嘉賓】軒仔扮港姐加冕但kick腳 權杖變燒烤叉

一連6場「HINSIDEOUT張敬軒演唱會」今晚假紅館開鑼，英皇老闆楊受成率旗下藝人捧場，包括：鍾欣潼（阿嬌）同未婚夫／老公賴弘國、容祖兒和媽咪、溫碧霞，另仲有蔡一傑、鄭欣宜、林欣彤、溫碧霞、JW同富二代男友Tarzan、林欣彤等撐場。

演唱會於8時32分開騷，軒仔戴掃把假髮、着熱褲騷冇毛腿，腳踏高踭鞋，以「降兩度」LOOK驚艷出場，又跳唱英文歌《Crazy in love》，跟着用泰文唱《失戀》，軒仔風騷晒光脫脫冇毛嘅腳，之後唱印度話《Jai ho》，又用韓文唱《No Body》，軒仔晒完四國語言，最後用廣東話表示：「知大家會識唱呢首，大家一齊起身跳！」唱完更舉V扮港女擺甫士。

唱完幾首歌後，軒仔說：「你哋見過天后未呀？唔係銅鑼灣隔籬嗰個。歡迎大家嚟到《降兩度演唱會2018》。」跟住向四面台觀眾鞠躬，因為軒仔着熱褲上陣，為免走光，鞠躬時用手掩pat pat，之後佢再話：「就算張敬軒老闆喺度都講，今晚如果冇我，張敬軒開唔到6場演唱會，楊生、Mani可以考慮下我。」

軒仔用「降兩度」口脗話：「每個演唱會都係令到歌手好難忘，自己第一次紅館演唱會，見到好多陌生男士眼甘甘望住我，搞到我有啲高潮。」全場爆笑，佢重申：「係演唱會高潮囉。」軒仔話自己會喺台上換衫，又大爆自己為咗演唱會做咗人生最重要嘅事：「就係剃腳毛，用咗個幾鐘。」

唱完《我本人》後，軒仔問觀眾：「呢首歌係咪唱得好過原唱者鄧麗欣？哎吔，我搞錯咗，係吳雨霏，舊年我喺網上唱完呢首歌之後，吳雨霏去咗生BB，我覺得我唱乜嘢都係會生嘅人囉。開心時間過得好快，我嘅演唱會已經到尾聲，歡迎大家嚟到紅館睇史上最短演唱會，自己真係好唔捨得個舞台，如果今晚買飛嚟睇我嘅人，睇完呢首歌可以走啦，由黃色大門出去。」

跟住唱《女神》時力撐欣宜：「呢首歌好代表我個人，大家都知原唱係邊個，呢首歌好有意義，網上消息好發達，啲人審美眼光覺得有前有後好勁，我覺得原唱嗰個先係真正女神，佢有前有後有左有右。」此時見到台下欣宜，即大嗌：「你好，多謝前輩嚟捧我場。」

【張敬軒開騷】軒仔掃把頭光管腳「降兩度」登場：搞到我有啲高潮！

The Body Shop一向推崇不傷害動物化妝品的理念，過去十幾年更致力推動全球各地永久禁止化妝品動物測試。今年終於取得令人鼓舞的好成績：歐洲議會支持全球禁止化妝品動物測試！

2017年，The Body Shop和Cruelty Free International聯手推出簽名運動，希望於全球各地達成永久國際禁令，以終止化妝品及其成分的動物測試，至今已超過630萬分簽名，成為歷來最大呼聲，並以此向歐洲議會倡議禁止化妝品動物測試。終於5月3日，獲歐洲議投票通過，推行支持全球禁止化妝品動物測試的議案。

更多娛聞，喺晒《娛果》 http://fb.com/appledailyent

【add．Beauty】The Body Shop推動全球聯署 支持永久「禁止動物測試」

今晚近九時，余香凝向傳媒發聲明，全文如下：

對於近日有失實報道以『偷食』及『一腳踏兩船』等字眼形容及報道天下一將士藝人有限公司（下稱 本公司）旗下藝人余香凝小姐與前男友陳家樂先生分手一事，此等失實報道嚴重影響余香凝小姐的形象與聲譽，天下一將士藝人有限公司將保留一切追究權利與法律責任。

余香凝小姐與本公司聯合發出以下聲明： (一) 余香凝小姐與陳家樂先生經過互相溝通及雙方有共識下，選擇結束近三年半的情侶關係，而當中絕對不涉及第三者； (二) 失實報道中所提及的男性友人是余香凝小姐認識多年的朋友，同場還有其他朋友出席。 (三) 感情是屬於余香凝小姐與陳家樂先生二人的私事，所有失實報道全屬猜測，沒有事實根據。

最後，本公司希望對余香凝小姐的失實報道盡快停止，大家能尊重余香凝小姐及陳家樂先生的私人空間，讓他們專注事業上的發展。

天下一將士藝人有限公司 謹啟 2018年6月14日」

余香凝出聲明 指「偷食」字眼失實損聲譽 保留法律責任

陳家樂跟余香凝4年情玩完，有指係余香凝同保險才俊Victor來往甚密，導致分手收場，不過男未婚女未嫁，大家都有選擇權，真係好難為愛情定分界。余香凝今午3點見傳媒，承認為咗開舖事宜而到過Victor家中開會留宿，亦無意消費陳家樂。

飽受分手新聞困擾嘅家樂今日寄情工作，晚上接近7點，佢戴住口罩、穿上黑色運動外套，一臉憔悴亮相旺角，準備為電影《速戰》上樓開工。

到接近8時，家樂換過戲服，相手合十落樓接受傳媒訪問。有記者問到佢心情有冇有改善，佢依然一臉哀傷，家樂只係話：「今日要拍戲，唔想回應太多。希望畀多啲空間我去處理呢件事，唔想影響劇組拍攝。」家樂話作為專業員亦係工作一部份，會平伏心情去拍戲，問到係咪如余香凝所講分手一個月時，佢話：「係分咗手，希望畀啲空間我哋，處理自己工作先。」

之後家樂行到西洋菜街南準備拍攝，見佢其間不時以手捽鼻掩面，且雙眼通紅，有記者問到佢係咪想喊時，佢雙眼顯得更加紅腫。現場預備咗5輛跑車，家樂跳上第一部嘅GTR開工。劇情講述家樂開住跑車到現場，佢一落車在場人士即歡呼。

另外，家樂雖然情路失意，不過事業發展就有聲有色。除咗《速》片，早前佢參加演出陳友導演嘅電影《兄弟班》，故仔講述樂隊溫拿一路走來嘅兄弟情，戲入面佢飾演彭健新。而《兄》片近日入圍第17屆「紐約亞洲電影節」(New York Asian Film Festival)，有機會角逐「觀眾票選大獎」(Audience Award)。

精選娛聞，喺晒《娛果》 http://fb.com/appledailyent

【越問越傷心】捽鼻掩面欲哭無淚 陳家樂：拍戲唔想回應太多

今年31歲前亞姐冠軍馮雪冰，當年佢以大熱姿態喺面試到決賽當晚都成為焦點，雖然佢俾其他佳麗批評為孤獨精，但係最後都壓倒其他佳麗成為冠軍，不過加冕之後冇人祝賀，連亞軍、季軍都冇獻吻，成為一時嘅話題！

當選之後馮雪冰嘅工作量唔多，先係有傳佢不滿公司安排出席飯局，之後有傳佢同洗米華短暫交往，分手後馮雪冰忽然富貴，以1,770萬元買入西九龍豪宅天璽，其後仲有報道指冰冰申請工作假期去馬爾代夫，負責接待及為華人旅客做繙譯，淡出娛樂圈嘅冰冰表明想寓工作於娛樂，享受簡樸生活。

消失咗一段時間嘅冰冰，今日現身亞姐「大中華賽區」啟動儀式嘅活動，對於再辦亞姐，馮雪冰當然覺得好開心，仲話亞洲小姐係一個經典、有標誌性，點知馮雪冰突然自爆：「選咗亞姐7年，但係仍然未攞到后冠，獎品同埋獎金攞到，當年係一部車，后冠具體價值不清楚，因為亞視出現咗問題，所以搵唔到對口人，不過應該唔係太值錢，但自己都好想申請返一個，就算是道具都好，因為好有紀念價值。」

另一方面，港姐出身嘅向海嵐，亦都有出席活動，佢話：「自己都做好多選美嘅評判，好高興亞姐係一個好經典嘅節目，有機會重生，所以今日嚟支持。自己之前幫亞視做主持嘅酬金都收齊晒，之後《今晚見》會改形式進行。」

亞視發言人曾醒明就話：「亞視考慮下月亞姐活動中，補番加冕后冠儀式！」

【冠軍又如何】選咗7年都冇后冠 馮雪冰：好想申請番一個

全城矚目嘅世界盃今晚就正式揭幕，喺今晚睇波之前其實潮界都有一件盛事發生，所講就係Off-White乘Nike以足球為主題的"Football,Mon Amour"別注系列於今天早上10點開賣！今次聯乘Off-White主腦Virgil Abloh設計時就以小時候的回憶出發，概念就是足球比賽前運動服與休閒服裝混搭的mix & match，分別將Off-White logo、斜間及飛鷹等圖案注入Nike足球服，除有波衫、tee、hoodie、長襪及長褸外，更有Zoom Fly Mercurial Flyknit與足球，行街着又得踢波時着又得！想買就要留意以下入手方法！

Nike×Off-White "Football,Mon Amour" 系列於今天早上十時在NikeLabPS7及#BELIEVETOUNLOCK活動發售。

Unlock步驟：  Step 1︰在IG追蹤@nikehkg_believe或#BELIEVETOUNLOCK尋找神秘鑰匙密碼 Step 2︰於6月14日10時到nike.com/BELIEVE Step 3︰於網頁中輸入該圖片中的鑰匙密碼  Step 4︰按ENTER即可unlock系列之購買連結

*貨品數量有限，先到先得，售完即止。詳細內容請參閲條款及細則。

NikePS7 銅鑼灣白沙道7號（2577 0703）

【Ketchuper】白沙道打蛇餅 世界盃最潮別注Off-White乘Nike今天開賣

有「Trot女王」稱號嘅38歲韓國演歌女歌手張允貞，19歲出道，於2004年憑專輯《天啊！》爆紅，一度成為韓國演歌歌手中身價最高嘅女星。張允貞多年來將所有收入交畀媽媽保管，媽媽卻拎晒去畀兒子做生意，生意又以失敗告終，令張允貞爆紅後10年間掙嘅近73億韓圜(約5,291萬港元)冇晒，更被媽媽用佢嘅名義借錢，搞到佢反欠債10佬韓圜(約724萬港元)。外界有指張允貞母親嗜賭成性，亦係敗光財產嘅主要原因之一。

由於母親嘅所作所為，張允貞與母親關係跌到冰點，雖然其母大前年透過媒體表示向與張允貞和好，但母親再令家事公開化嘅做法令佢感到負擔，直到依家兩人關係仍然好差。而今日有報道指，張允貞母親再因金錢問題被警方起訴，引起網民熱議。報道指張允貞母親於2015年至去年，向熟人A某前後借咗合共4.15億韓圜(約300萬港元)，但一直冇還過錢，A某就於去年尾起訴張允貞母親涉詐騙。張允貞母親承認有借過錢，但否認詐騙。

更多韓流，喺晒《娛果》 http://fb.com/appledailyent

【韓流】嗜賭成性 張允貞母親涉詐騙300萬被起訴

鄭秀文（Sammi）、韓星崔始源、黃心穎同鄧麗欣（Stephy）今日喺中環出席Chanel腕錶活動，在場已有過百粉絲等始源，而始源亦好識做，完咗訪問就出嚟同fans打招呼。始源做訪問時，就以英文、廣東話同國語打招呼，佢就話嚟緊籌備專輯，同去美國拍電影，問到佢係唔係進軍荷李活？佢笑言當地會有會議，韓國同大陸電影都有傾：「將會有綜藝節目《Super TV2》拍攝，自己好開心，鍾意拍綜藝節目，希望能夠多點演出機會就越好，現在有時間我就學漢語。」並即刻用普通話講：「我發音好不好？」

當年同始源合作《破風》嘅竇驍都喺香港拍廣告，始源話約咗晚宴之後見面，同樣有份演《破風》嘅陳家樂噚日宣佈失戀，始源嘅翻譯就話佢唔知道呢啲新聞，唔會回應，而始源就以普通話表示：「我聽不明。」問到佢會唔會開騷，始源就話2月已開，希望明年再開，而粉絲會未有計劃，不過好希望可以同香港粉絲見面。

另外，Stephy就喺場內同始源合照，佢笑言：「佢（始源）主動話要同我影相，第一次見佢真人好吸引。」記者問到佢始源係唔係佢杯茶，Stephy表示：「靚仔最緊要，聽聞佢想拍香港打戲，我呢排都有練下，希望真係有機會可以合作，如果係，真係唔錯。」

提到之前同吳雨霏飯聚，佢就話唔係baby shower，只係同佢食生日飯：「佢同我哋講，醫生話佢隨時生得，之前兩、三個禮拜見過一次，個肚都冇咁大，忽然大咗咁多，個餐飯好緊張，因為諗如果佢突然生得點好？」問到佢本身恨唔恨生B，Stephy笑言：「以前有啲幻想，到時生會點，今次Kary自然生，我自己有諗到時係自然生定開刀生呢啲細節。」最後，問到佢會唔會收對方BB做契女，佢話：「冇傾過，我哋冇乜所謂，都會好錫BB。」

【主動同Stephy影相】過百Fans排隊見偶像 始源趁機晒普通話

亞視裁員，但轉個頭依家又宣佈舉行「2018亞洲小姐競選——大中華賽區」，話係慶祝亞姐30周年，今日仲喺亞視大埔總台開記招造勢。

本屆亞視首席「內容官」（CCO）何麗全今日單人匹馬回應傳媒，「顧問」吳雨及區偉林就不在。問番何麗全可擔心裁員會影響亞姐選舉？何麗全稱：「之前嘅係自然流失，嚟緊有啲節目有需要都會請番，八月會有公佈啲新形式節目會出街，會請番啲新人。」

預計亞姐選舉能否賺錢回本？何麗全就話：「暫時未計數，因為香港區未開始，不過一定得到好多廣告客戶支持，有信心一定cover到，亞姐一定係亞視全年最大嘅投資項目。」

至於方才提到嘅吳雨同區偉林，今日記招上，亞視首席財務官黎明輝宣佈兩人於本月「友好地」解除合約，黎稱：「兩人已唔係高級顧問，佢哋搞掂開台就功成身退。」再問離職是否因為亞視財困？黎明輝話：「當然無關，鄧先生依然係亞視嘅最大投資者，兩人離開冇影響士氣，亦都冇鬧交。同時宣布亞視債務重組進入最後幾個月，之後會將所有債務還番晒畀債權人。」

同場宣佈「亞視深圳演藝培訓中心」正式成立，進入招生，9月開始授課。亞視深圳演藝培訓中心，正式招收學生，何麗全指學費暫時未公佈，不過有好多唔同科目，但唔會收好多學生，重質不重量，要交學費，同事有演出機會。

黎明輝續指，現在亞視有6位簽全合約藝人，當中包括2016年及2017年亞姐冠軍李思琪及何丹妮。

【吳雨區偉林離職】亞視八月又請人喇！仲開埋深圳演藝培訓中心

鄭秀文（Sammi）、韓星崔始源、黃心穎同鄧麗欣（Stephy）今日喺中環出席Chanel腕錶活動，在場已有過百粉絲等始源，而始源亦好識做，完咗訪問就出嚟同fans打招呼。

今晚世界盃開鑼，Sammi就提到老公許志安係足球迷，嚟緊安仔會飛去俄羅斯睇波：「唔知佢睇邊場，佢哋跟明星足球隊去，今晚世界盃11點開鑼，佢都好興奮，晏晝好有興致去咗坪州影相，佢之前話自己扭親腳要『掛靴』。」Sammi仲講笑問過安仔，乜唔係好勁嘅人先掛靴咩。

Sammi嚟緊要飛上海，稍後轉去台灣拍MV錄歌排舞，所以0依家好努力練身操fit自己，佢就提到最近聽得太多生生死死，聽到自殺新聞更心酸：「政府委任我做精神大使，希望去吓屋企學校巡迴講座，注重精神健康問題，唔想被委任咗冇做嘢。」對於好友林燕妮過身，佢就表示有探佢，問佢有無為好友祈禱，佢表示：「佢喺信仰中得到好多平安同力量，佢都啱啱走，但係個啲新聞講咁多已經夠，佢喪禮我一定會出席，公司已安排咗時間。」再問到喺林燕妮身上學到咩，Sammi話：「都有，不過自己唔想成日搵嚟做新聞，呢個朋友係我心裡好重要，在心中。」

【世界盃開鑼】許志安跟團到俄羅斯睇波 鄭秀文：佢好興奮

22歲英國樂壇新人王Dua Lipa今年狂掃音樂獎項，上個月更嚟過香港開演唱會。不過當Dua愈嚟愈紅四圍飛嘅時候，佢男友Isaac Carew已經忍唔住偷食！日前有人就影到Isaac襯Dua去咗美國邁阿密開巡唱，於偷敦夜店偷食索女。相中見到Isaac同一名長髮索女於舞池中跳舞，舉止更非常親密，Issac用手攬實對方條腰，之後更愈跳愈埋，更有多次面貼面。最諷刺嘅係，當時舞池上正播放其女友嘅歌《G-A-Y》。Dua方面上並未回應相關新聞。

精選娛聞，喺晒《娛果》 http://fb.com/appledailyent

【襯對方開巡唱】新人王Dua Lipa男友偷食 背女友同索女辣舞

「2018亞洲小姐競選——大中華賽區」記者會，今日喺大埔亞視錄影廠舉行。過去三年亞視在香港停辦亞姐選舉，適逢今屆亞姐30周年，再度在港隆重舉行。

過去兩屆亞姐，即2016年及2017年，都在大陸舉辦，該兩屆冠軍李思琪及何丹妮今日在活動上與亞視簽訂演藝合約，98年港姐冠軍向海嵐及2011年亞姐冠軍馮雪冰皆到場支持及分享。

何麗全成為本屆亞視首席「內容官」（CCO），佢話今年亞姐正值30周年，兼且今年使用OTT播放，所以重新舉行亞姐選舉，已有廿多個賽區開始接受報名 ，十一月會舉行決賽，包括大中華區、香港及海外佳麗一起決賽，預計決賽會喺外地舉行，並非大陸。

對於亞視有何來資金搞亞姐，何麗全話：「今次有幾個贊助商，所以製作費一定唔少，七月就會開始招募參選佳麗，今次亞姐嘅參賽條件，最少要18歲、係香港居民、年齡亦有上限，但係遲啲會一次過公佈。」何麗全話今次會好揼本，俾佳麗參賽前喺海外受訓：「會請星級導師，教佢哋跳舞、化妝等等。」

【啱啱先裁員】宣佈重辦亞姐 亞視首席「內容官」：限香港居民參加

羅家英、吳浣儀、何華超、張松枝同張雷等今日到觀塘，率先欣賞有份演出原創迷你劇《東方華爾街》大結局，看畢後家英哥同浣儀姐大讚剪接緊湊，顏色觀感一致，浣儀姐指質素比不少電影更佳，家英哥話:「呢套劇為香港爭光，大陸都做唔到(呢個拍攝水準)，好似最近我睇阿苗(苗喬偉)演套飛虎(《飛虎之潛行極戰》)，仲用以前拍攝手法拖時間，好多鏡頭係冇用。」佢哋都覺得《東》開拓咗迷你劇喺香港先河，可以繼續發展，如果再有第二季，喺劇中已經死嘅浣儀姐都好想再參與。

【迷你劇剪接緊湊】家英哥彈《飛虎》：好多鏡頭係冇用

由韓劇《大力女子都奉順》嘅26歲男星朴炯植同《紳士的品格》嘅46歲型男張東健拍攝嘅KBS新劇《金裝律師》，噚日喺韓國播出第15集，港劇迷可於Viu同步追看，而《金裝律師》將於今晚播出大結局，劇迷記得唔好錯過。

承接上集劇情，朴炯植同高聖熙正式確定戀人關係，律師樓嘅咸代表一直想踢走張東健，又誤以為朴炯植企喺自己嗰邊，不過事實上朴炯植就偷偷搵到證據，證明咸代表想陷害張東健，令張東健成功洗脫了嫌疑，姜代表亦對朴炯植另眼相看，張東健亦都承認咗朴炯植嘅能力。

張東健因為怕連累「洪秘書」蔡貞安，所以就炒咗佢魷魚，而喺模擬法庭上仲被朴炯植踢爆自己深愛張東健，令蔡貞安大感難堪，而張東健亦同蔡貞安坦誠相對，問佢幾時開始鍾意自己，之後蔡貞安正式返到律師樓工作。

此時朴炯植想向高聖熙坦白自己係假律師，可惜一直提唔起勇氣。而律師樓因為名氣受損而流失大量生意，高聖熙嘅媽咪原來係另一間律師樓嘅代表，佢要求兩間律師樓合併，咸代表亦趁機會威脅張東健，指如果張東健唔畀佢做律師樓嘅代表，就會把朴炯植唔係真正律師嘅事實公開。而朴炯植同張東健喺調查過程中，懷疑合併一事可能係一個陰謀，另一方面咸代表將朴炯植係假律師嘅事事，以短訊方式通知全公司同事......

《金裝律師》噚晚一集收視有9.1%，繼續穩坐同時段收視冠軍；而黃靜茵孖南宮珉主演嘅新劇《訓南正音》以及MBC嘅《過來抱抱我》，因為播出地區選舉嘅點票過程而倒播。

相關新聞連結： 【第1集】張東健孖朴炯植發威 《金裝律師》開播穩坐收視冠軍 https://bit.ly/2jMFLGe

【第2集】朴炯植施計成功令張東健升職 《金裝律師》繼續做收視一哥 https://bit.ly/2IyWr2b

【第3集】朴炯植飲醉酒激嬲張東健 《金裝律師》收視勁升 https://bit.ly/2wwtVtd

【第4集】張東健同舊情人愛火重燃？咀完仲有下文 https://bit.ly/2rAR4Fg

【第5集】張東健被挑機 朴炯植高聖熙三角戀一觸即發 https://bit.ly/2IvqsA0

【第6集】朴炯植激到高聖熙面臨崩潰 《金裝律師》收視險勝 https://bit.ly/2Ko6unO

【第7集】高聖熙表白朴炯植：我很在意你 張東健有黑歷史？ https://bit.ly/2rW8U5Q

【第8集】《金裝律師》朴炯植被炒魷魚？ 《我的大叔》結局收視創新高 https://bit.ly/2LsxX8G

【第9集】黃靜茵新劇收視不敵《金裝律師》朴炯植張東健合力翻案 https://bit.ly/2kS8IRK

【第10集】張東健成功翻案 朴炯植 高聖熙感情升溫 https://bit.ly/2sCGu1y

【第11集】感情突飛猛進 朴炯植情深咀高聖熙 https://bit.ly/2sPppB8

【第12集】張東健同朴炯植決裂？ 《金裝律師》穩坐收視冠軍 https://bit.ly/2Je41jT

【第13集】朴炯植再咀高聖熙 送戒指確定戀人關係 https://bit.ly/2JEdHU6

【第14集】朴炯植做反骨仔？ 踢爆蔡貞安深愛張東健 https://bit.ly/2y7npdl

更多韓流，喺晒《娛果》 http://fb.com/appledailyent

【韓流】《金裝律師》聽晚大結局 朴炯植假律師身份被揭穿 

今日可愛教主楊丞琳專程由台灣來港出席時裝活動，佢話依家忙緊宣傳新劇《前男友不是人》，又忙個唱。最神奇係，34歲嘅佢喺新劇中扮演中學生，不少人都話神似，楊丞琳聞言好開心咁話：「可能我有baby face啦，是一個優勢，但演出最重要是感覺，所以我都做了很多功課，重看小時候的片和照片，留意表情和說話技巧，也留意現在中學生是怎樣。」睇番以前嘅自己，係咪覺得變化好大？她笑謂以前自己好害羞：「以前是一個小女生，最愛扮大人。」

咁會否再接呢啲青春劇？楊丞琳話：「會啊！我覺得我的狀態還可以，但角色如太像今次這個，就要再考慮。」咁男朋友有冇讚你？「基本我上穿制服的扮相，觀眾都會稱讚的！」好大口氣啊！！

教主仲話，佢今次拍《前男友不是人》都冇上妝，只係遮一遮黑眼圈，「因為自己不化妝時就最年輕。」對於黃子佼喺節目中讚佢「整得好自然」，楊丞琳稱：「他在開笑，不過玩笑開得過頭了。」楊丞琳稱黃子佼有同佢講番，楊又強調：「我真的沒有整過，否則就尷尬了，所以我覺得自己開得起這個玩笑。」

當年今日