台灣著名作家李敖喺今年2月自爆患上腦瘤只剩番3年命，事後佢嘅經理人鄭乃嘉話係良性瘤（新聞連結：  http://bit.ly/2rvyNaj  ），而且仲開始接受標靶藥物同放射療法。不過喺上月李敖又因免疫能力下降導致肺炎惡化一度病危，幸好最後脫離危險期！噚日喺大陸嘅電視節目公開咗一封李敖嘅親筆信，佢喺信中提及自己患完腦瘤患肺炎，身體好似變成一個戰場，明言好痛苦，仲話覺得「好像地獄離我並不遠了」，佢坦言希望喺最後時間，同家人、友人與及仇人，喺新節目同佢哋再見一面，做個告別。

鄭乃嘉接受訪問話：「肺炎痊癒後，李大師目前仍在醫院裡面隔離休養，體力比較不好，要等他有元氣後才可以來做這件事。」至於新節目將要邀請嘅名單，鄭乃嘉話：「有人希望邀胡茵夢，或者周杰倫、成龍、陳文茜這些朋友都有可能，詳細名單會等他出來再擬。」

致我的家人、友人、仇人： 你們好，我是李敖，今年83歲。年初，我被查出來罹患腦瘤，現在剛做完放射性治療。現在每天要吃六粒類固醇，所以身體裡面變得像一個戰場，最近又感染二次急性肺炎住院，我很痛苦，好像地獄離我並不遠了。我這一生當中，罵過很多人，傷過很多人；仇敵無數，朋友不多。

醫生告訴我：你最多還能活三年，有什麼想做、想幹的，抓緊！我就想，在這最後的時間裡，除了把《李敖大全集》加編41-85本的目標之外，就想和我的家人，友人，仇人再見一面做個告別，你們可以理解成這是我們人生中最後一次會面，"再見李敖”及此之後，再無相見。因為是最後一面，所以我希望這次會面是真誠，坦白的。不僅有我們如何相識，如何相知，更要有我們如何相愛又相殺。 對於來賓，我會對你說實話；我也想你能對我講真話，言者無罪，聞者足戒。或許我們之前有很多殘酷的鬥爭，但或許我們之前也有很多美好的回憶；我希望通過這次會面，能讓我們都不留遺憾。不留遺憾，這是我對你的承諾，也是我對你的期盼。

對於來賓，不管你們身在哪裡，我都會給你們手寫一封邀請信。邀請你來台北，來我書房，我們可以一起吃一頓飯，合一張影，我會帶你去看可愛的貓，我會全程記錄我們最後一面的相會，一方面是留作你我紀念，另一方面也滿足我的一點私心：告別大陸媒體近10年了，我想通過這些影片，讓大家再一次見到我，再一次認識不一樣的我，見證我人生的謝幕。謝謝各位！

【自覺離地獄不遠】擬與仇人及好友告別 李敖：可能係最後一次會面！

李家鼎、黎美言（Winkie）今晚喺尖沙嘴出席「We Can Cook謝師晚宴」，鼎爺最近要幫大台拍飲食節目，所以佢已經提早同家人食飯慶祝父親節：「出去食，自己煮太辛苦，孫仔一歲可以食魚，o依家見到孫仔都好冧。」收到乜禮物？鼎爺話：「未知，父親節仲有幾日至到，其實最緊要家人平安、身體健康，個孫快高長大、聰明伶俐。」

另外，Winkie話佢爸爸係廚師，所以佢都識得煮兩味：「女人識煮嘢食係加分位，希望將來嘅男朋友都識煮，家人識煮嘢食係family man，不過我o依家仲未搵到呢種男人。」

不過講講吓，Winkie就自爆最近桃花唔錯，好多人追，仲話唔知點揀好。咁多仔揀，唔知佢要咩條件呢？Winkie即刻：「照顧我、做一個好好嘅聆聽者、要有耐性、愛錫家庭。我要求好低。唔使有錢，我有收入，唔好咁高要求，真愛難求。」

至於Winkie個舊隊友張紋嘉（Crystal）提到Hotcha想搞入行10周年紀念演唱會（新聞連結：  http://bit.ly/2s0Ds7w  ），Winkie話：「其實我哋3個已經出過嚟開會，係想搞，搵緊投資者，我哋3個根本冇不和，有互相keep住聯絡。」但今年已經過咗一半喇喎？Winkie即刻話：「唔係，只要喺明年4月4日前，都係10周年。」

【粒孫似爺爺】廚神都要放假 鼎爺出街食飯預祝父親節

李施嬅今日下晝5點零左右現身喺中上環嘅太平山街，嗰陣李施嬅著住一條DEEP V嘅長裙，現場有攝影師、化妝師同助手，喺李施嬅身後仲有一架靚車，睇嚟嗰陣佢係幫雜誌影緊相！

不過話晒喺啲公眾地方影相，加上又著得好性感，所以佢啲化妝師同助手警覺性都好高，全程昅到佢實一實。喺影相中途中一見佢好似有啲走光，即刻提佢，李施嬅亦都好醒即刻捂住個心口，化妝師同助手亦即刻行去幫佢整理，大約影咗半個鐘頭左右，收工走人！

【小心走光呀！】李施嬅Deep V影硬照 化妝師昅實唔蝕底

創作人方皓玟今年派台新歌《Common Sense》，以歌曲唱出今時今日香港發生的各種怪現像，官場、污染、政治、黑白事非被顛倒，歌詞貼地一聽就明，曲風輕鬆，沒有半點沉重的感覺，香港人聽了一定好有同感，「我想寫屬於香港人的歌，依家貼地好重要，首歌係講返社會現像，有好多荒謬嘅事發生，依家要好心水清，因為太多事混淆視聽。做人最緊耍問點解，呢個主題我想寫好耐，結他部份好cheerful，，編曲係我未唱過嘅，希望挑戰自己。」

香港回歸後，演員同歌手紛紛內地搵人仔，想過打入內地市場？「返到就返，呢個係個人取向，我自己比較土生土長，我覺得自已係一個好original的香港人，所以將目光放係自己嘅城市。」今年是回歸20年，作為創作歌手，創作空間有沒有窄了？「我返而覺得多咗話題可以寫，以前香港冇咁多事端，依家話題，好刺激到真正鍾意創作嘅人，最困難既時代會孕育出更多創作出嚟，我唔鍾意用負面角度去睇每一件事，近年我覺得更加百花齊放，依家有好多不同類嘅歌手出現，全部都好有才華，都戥香港高興。」

今年對小明來說也是人生一大轉變，4月她與模特兒日籍未婚夫安田慎吾到婚姻註冊署入紙登記結婚，剛升呢做安田太太的小明說：「結婚係開心事，好多人都覺得結婚係一個轉移，我我都覺得結婚你豐富咗我人生既經歷，反而多咗support，工作上多了一份能量，支持我可以更專心工作同做得更好。」

【add即時．尚】低調人妻方皓玟：結婚令工作多一份能量　

陳瀅嘅好姊妹何雁詩最近雖然休假，不過因為同鄭俊弘拍拖嘅壓力，所以近排都盡量少現身，單身嘅陳瀅呢一晚就搵咗另一位好姊妹劉佩玥陪食飯喇！

陳瀅傍晚喺鑽石山出席完活動後，就揸住紅色Audi一個人去咗圓方。泊好車之後，佢發現被記者跟住採訪，都好友善笑晒，仲識講笑話去拍拖，又問：「我係咪做錯嘢？咁多人跟住我嘅？」講完佢就直接行咗去千両，仲自動自覺撳飛攞位！

雖然近排有傳劉佩玥同周志文暗撻，不過唔個個都有異性冇人性！陳瀅入到食肆後冇耐，就見劉佩玥到達，原來佢約咗劉佩玥食壽司，街坊LOOK嘅劉佩玥笑笑口問記者影緊邊個星，跟住就行入店內。佢哋起初坐嘅位置起較開揚，見俾記者影到食相，就即刻調咗去一個較隱蔽啲嘅位繼續食飯吹水！

【何雁詩閉關】劉佩玥約陳瀅三缺一嘆壽司：我係咪做錯嘢？

香港人人開口埋口講炒樓炒股，社會風氣造就了金錢主義，講理想、做創作談何容易？慶幸香港還有一小撮人仍然堅持追求自己的夢想，創作歌手方皓玟（小明）在圈中默默耕耘15年，今年終於有點成績，對小明來說錢不是最重要，最重要是可以繼續追逐創作夢想，今年是香港回歸廿年，荒謬不事情斷發生、事非黑白事被顛倒，更激起她創作因子，透過音樂發聲，創作的一團火越燒越旺。

2017對創作歌手方皓玟（小明）來說是一個豐收年，今年獲得《叱咤樂壇唱作人銀獎》，並憑著合唱歌《終於好天氣》打入叱咤十大第七位，又憑電影《一念無明》獲金像獎提名最佳女配角，雖然沒有獲獎，但被提名已是一個肯定。

在樂壇默默耕耘15年，這一切得來不易，「喺香港做創作人好難，我諗喺香港做咩工都難，好似做的士司機都唔簡單，每日都會遇到不同難處，成個社會都需要多啲鼓勵，做音樂藝術既人都要代表住社會良心，就係你見到一啲唔啱嘅事，我會唔會去嬲，會用一啲比較它軟性方法表達出嚟提醒大家，同大家去行呢條路，我好感激我仲可以創作，希望可以繼續暢所欲言，如果方皓玟得，人人都得㗎啦！」

創作路難行，小明堅持到今天，有沒有想過放棄？「我有諗過唔做，但我覺得堅持舒服過放棄，唔可以將真心喜歡既嘢放低，所以到到頭來都係繼續做，選擇去做不如做到最好。 因為細細個我已知道自己鍾意創作，想將自己既想法實踐，內心有一個原始推動力，令我繼續去做，收入唔係最重要，最重要做到創作，我心中團火仲燒得好旺，性格隨年紀改變，人大咗就懂得利用內心團火。」

【add即時．尚】方皓玟入行15年想過放棄 「唔可以將真心喜歡嘅嘢放低」

韓國男團JYJ嘅成員朴有天去年捲入性侵醜聞，事後被證實冇嫌疑，但事件卻令到佢形象跌至谷底。而嚟緊8月就係佢退伍嘅日子，有傳佢退伍後，將於9月10號娶南陽乳業集團外孫女黃荷娜。

雖然婚期就未獲朴有天事務所證實，但朴有天同黃荷娜就明顯打得火熱，早前更被拍得甜蜜拍拖照，可見兩人感情好穩定，而黃荷娜亦不時喺Instagram晒相晒片，擺明晒幸福。

而日前黃荷娜上載咗一段短片，疑似係朴有天向未婚妻求婚片段，不過黃荷娜事後就刪片話呢段唔係求婚片，不過黃荷娜太愛更新Ig，好似有網民就發現，黃荷娜於今個月4號上載嘅一段片中，就疑似上載咗送畀男友嘅生日禮物。根據網民所指，4號係朴有天嘅31歲生日，當日黃荷娜就顯示咗一張匯款嘅圖案，當中佢仲匯出合共7,777,777韓圜(約53,666港元)，黃荷娜仲留言話：「原本想一次過畀7,777,777，但因為唔可以一次過匯咁多錢，只好1,111,111、2,222,222、3,333,333咁匯。」網民都估計黃荷娜送錢畀男友，又指佢相當大手筆，不過之後佢已經刪除有關留言。

另外，黃荷娜今日亦都上載咗一段短片，當中佢同媽咪等人就疑似去咗揀婚紗，又留言話：「想買珍珠頸鏈，唔係揀緊婚紗，跟姐姐來玩。」等留言。

【韓流】未婚妻試婚紗？ 黃荷娜疑送5萬蚊畀朴有天做生日禮物

圈中成日有啲「點錯相」事件，好似2013年發生「杜生好寸」，有網民誤將許志安認咗做杜德偉，仲話「不過條友好寸，叫佢杜生都唔啋人」(新聞連結： http://bit.ly/19sFwIy )，成為網上熱話…

之後又有愛國藍絲分唔到盧巧音同何韻詩(新聞連結： http://bit.ly/1DruWiF )

而阿嬌同超蓮又成日撞樣(新聞連結： http://bit.ly/2ruMzKk )……

今日又有一個喇!就係游學修。佢今日喺Instagram貼出袁文傑(Andrew)嘅維基資料貼圖，寫道：「去首映通常會有啲影迷要求合照，而佢未必知你係邊個。上次就有個走埋嚟：『哈囉Andrew，你好呀Andrew，可唔可以同你影張相呀？你係咪Andrew呀？』我話Sorry呀!我唔係Andrew，百思不得其解。」

游學修仲話後嚟見到袁文傑嚟到就明晒，「喂阿哥，嗰個游生高我幾個頭喎」。

有網民就拎番「杜生好寸」件事出嚟講，留言「條友好鬼寸，叫佢袁生都唔睬人」、「無人識你呀！袁學修」，游學修抵死回覆：「有睬佢呀！邊似杜生咁串。」另有網民反問：「佢太入戲⋯以為佢真係姓游。」

咁之前身高6尺2嘅袁文傑喺大台劇《不懂撒嬌的女人》演霸氣游生，相當吸睛，點會被認錯，游學修都冇6尺2咁高喇!

【杜生好寸翻版】被誤認係袁文傑！游學修：喂阿哥嗰個游生高我幾個頭

由童星出身嘅俞承豪、金所炫主演嘅MBC新劇《君主－假面的主人》，將於今晚播出最新第21、22集，劇情講到金所炫入宮做宮女，幫大妃娘娘推翻L飾演嘅假君主，令真正嘅君主俞承豪因為兩人分離而大感心痛。

而劇組今日公開咗俞承豪及金所炫嘅劇照，只見兩人喊住對望，又成身濕晒，唔知係咪俞承豪再次去救陷入危險嘅金所炫？俞承豪似乎相當不捨金所炫，輕撫對方塊面並將金所炫擁入懷，而俞承豪勁近距離咁對住金所炫，令粉絲期待兩人會唔會再上演吻戲。及後金所炫似乎腳受傷行唔到，由俞承豪孭住離開，兩人享受難得嘅安靜。

【韓流】《君主》預告咀嘴？俞承豪濕身攬金所炫

ViuTV 99台今日喺將軍澳舉行《詭探》祝捷會，演員邵仲衡、尹揚明、蔣祖曼及趙碩之等均有出席，現場同時宣佈ViuTV開拍另外10齣不同種類電視劇，當中有《藍橘子》科幻劇、荒誕系列《賤民20》、校園系列《教束》及音樂劇《短暫的婚姻》等。

ViuTV將於下星期開拍電視音樂劇《短暫的婚姻》，邀得陳奕迅為該劇演出，ViuTV製作部副總裁金廣誠表示，下星期會公佈詳程，該劇會到英國取景，對於係唔係重金禮聘陳奕迅，金廣誠話：「唔係，主要係啱feel，製作班底好，製作費近千萬。」

邵仲衡對《詭探》收視理想感到喜出望外，隨後邵仲衡會參與《短暫的婚姻》演出，邵仲衡話：「我唔係唱歌，會同Eason同場，佢係一個好有想法嘅歌手，到時會到英國拍外景。」蔣祖曼日前於劇中食生牛肉惹迴響，實際佢係用吞拿魚代替，蔣祖曼話：「用生牛肉拍攝時，我問導演可唔可以舔，導演指牛肉放太耐怕唔乾淨，聞到真係好腥。」

【《詭探》祝捷】擲千萬拍音樂劇 Eason同邵仲衡去英國取景

張可頤將心力放在工作上，曾貴為大台花旦，五年前離開外闖，去過港視做一姐，近年在大陸、馬來西亞 、檳城等地發展，她對工作認真、有要求，正如拍攝當日可頤無論對自己造型、環境燈光都睇得好嚴謹，希望做到最好效果。

香港電視大戰之下，大台為力挽收視拉攏舊將回巢，例如林文龍、宣萱、陳松齡、張衞健等等，可頤話：「覺得多人回流拍劇係好事，觀眾咁耐冇見大家，但我就忙出面比較多。」

【唔係本土警匪片就係土炮嘢】 即係冇偈傾？原來大台曾邀她回巢，惜因時間未能配合婉拒。「個人見解香港係要catch up，無論內地、馬來西亞啲人效率都好厲害，香港人要急起直追。我自己睇法係，香港製作無論鏡頭、技術、製作、燈光都要進步，配合革命。機器先進，其他嘢唔改進亦都冇用。今時今日visual（視覺效果）好緊要，啲嘢唔靚好難吸引人欣賞。」

可頤例舉早前和張家輝合作拍警匪片好深感受，可頤話：「我心諗家輝拍警匪片唔使拍到咁靚仔，發覺唔係本土警匪片就係土炮嘢，好rough（粗糙）、好渣。你睇美劇各方面都做到最好，唔會有鬆懈，唔會因為覺得本土嘢就忽略。」至於早前為Fox接拍的網劇《香港華爾街》，可頤形容這是一個精裝炮製電視劇：「每個部門都做得好精緻，可以拎出去國際見人，呢個香港仲要進步，有條件之下係要做到最好。」

「我唔係覺得出面特別好，只係宏觀地睇香港人要爭氣，電視、電影各方面部門都係，希望啲人才唔好繼續流失，多啲為本土做下嘢。」

【我鍾意電影濃縮嘅感覺】 過往一直只拍電視劇，現時可頤想接觸多啲電影，好奇箇中製作、導演、寫劇本上等技巧，她稱：「電視比較慢，我鍾意電影濃縮感覺，兩至三個鐘內睇到一個好感動故仔，嗰晚會瞓得特別甜。以前成日顧住拍電視，冇時間著重自己理想，依家希望一半做一半學習心態。」

張可頤曾經因為工作辛勞過度，由火線退下來專心調理。現今，她坦言：「現時會關心自己健康多於工作，唔會好似以前咁，犧牲休息去做某啲工作，但我仍然積極，今年嘅產量都算多，電視劇、電影都同步進行。」

採訪：卓寶花 攝影：沈健程 片段：廖達燊 Hair : Louis Tse @ POPEIGHT Make up : Chris Chan 服裝提供： Bally 鞋：Jimmy Choo 場地提供：新蒲崗貝爾特酒店

【死敵宣萱已回巢】冇期返無綫 張可頤一針見血：多啲為本土做下嘢

「Let it go，Let it go」呢首歌相信大人定細路都一定識，全因hit爆動畫《魔雪奇緣》（Frozen）自2013年上映後風靡全球，不單票房高達12.7億美元，連帶周邊商品都被小朋友搶購一空，去親party都見到個個扮愛莎（Elsa）公主，更直接令迪士尼動畫翻生。雖然續集電影要等到2019年先上，不過迪士尼最近就發佈咗條聖誕篇嘅預告片，大家終於唔使等到頸都長！

聖誕特別篇嘅名叫做《Olaf's Frozen Adventure》，主要係講雪人小白（Olaf）嘅冒險故事。原來愛莎公主同安娜（Anna）公主因為細細個父母就過咗身，令兩姐妹都未試過過聖誕節。可愛又體貼嘅小白有見及此，就四出到訪唔同嘅家庭，睇下人哋過聖誕節有乜傳統，從而帶返嚟同兩位公主慶祝。過程中笑料百出，試過成架車著火，又試過換咗個鼻做士的糖。最後兩位公主見到小白咁用心，都覺得好開心，愛莎公主仲用魔法變出冰雪聖誕樹添！呢段短片將會隨年尾上映嘅彼思動畫（Pixar）《CoCo》播出，仲會有4首新歌喺入面，到時就唔使再唱《Let it go》喇！

【Let it go】《魔雪奇緣》聖誕短片預告出爐

《天線得得B》這個幼兒節見是不少80、90後的集體回憶，今年是這個節目誕生的20周年，得得B竟然以潮流icon的身份霸氣回歸，在倫敦男裝時裝周上搶盡風頭！

日前舉行的Bobby Abley時裝展上，設計師以天線得得B為靈感，創作了色彩繽紛又趣怪的時裝系列，當中最回到童年之作有得得B公仔背包，而且服裝也衝破性別界限，好像男模穿上短版緊身上衣與芭蕾舞短裙。完騷時，得得B之一Dipsy更現身台上同設計師Bobby齊齊謝幕，場面爆趣。

Bobby Abley於2012年創立個人同名品牌，風格幽默、結合懷舊與玩味形象的設計手法見稱，過往曾以星戰、迪士尼動畫為設計主題。

【add即時．尚】天線得得B潮氣翻身 倫敦男裝周搶晒fo

由萬梓良、張繼聰同白只主演嘅電影《今晚打喪屍》今個月尾就會上映，套戲係改編自余兒嘅同名小說。為咗配合電影宣傳，余兒仲同漫畫家葉偉青合作，下星期會推出漫畫版《喪屍》。

余兒今日接受《蘋果》電話訪問時話：「故事會承接番小說，不過會係一個獨立、一期完嘅故事。電影入面嘅人物好似張繼聰、白只同顏卓靈都會喺漫畫出現。」見到漫畫封面個角色左手手持殺人武器——摺凳，就知幾本土。《喪屍》漫畫會以精裝版全彩色推出，售價為98蚊。

另外，嚟緊嘅書展，余兒話都會擺檔，今次會推出《九龍城寨》結局，相信一班《城寨》迷都會期待。

【加入本土元素】《今晚打喪屍》出漫畫 主角擸摺凳登封面

韓國男團GOT7將於下月1號喺在亞洲國際博覽館 Arena舉行「GLOBAL FAN MEETING IN HONGKONG 2017」，今次見面係GOT7喺中港澳台四地唯一一場見面會，門票已於上周五正式公開發售，當中門票分為$1,680嘅VIP套票、$1,380套票、$980套票及$680四種，其中$1,680嘅門票已火速售罄，$1,380套票、$980套票只餘下少量門票。

上周公佈嘅票價中，購買$980套票嘅粉絲可獲得GOT7嘅韓版CD一張；$1,380套票就可獲得GOT7嘅韓版CD及FAN MEETING香港站海報各一張，而為咗令購買$1,380門票嘅粉絲獲得更多福利，現時只要成功購買$1,380門票嘅粉絲就有機會獲得韓版親筆CD一張，大會今日就公佈購買$1,380門票嘅粉絲由下周一(19日)中午12時起至本月28號下午4時，將姓名、門票座位細節(區域、行數及座位號)、聯絡電話及身份證頭4位數字等資料，發電郵至got7globalfmhk2017@gmail.com登記，就有機會獲得親筆簽名CD一張。

【韓流】GOT7下月見面會加碼送親筆簽名CD

日本樂隊RADWIMPS結束香港之行，噚晚假旺角麥花臣場館開騷後已啟程往泰國。日本JOYSOUND公佈2017上半年最熱門K歌榜，RADWIMPS成為最多人點唱嘅歌唱單位，組合共有4首作品打入前30名，賣座動畫電影《你的名字。》大熱歌曲《前前前世》更名列點唱榜亞軍，成績僅次於星野源唱出嘅《逃跑雖可恥但有用》主題曲《戀》。

RADWIMPS多得《你的名字。》帶挈可謂紅上加紅，三位成員相隔三年再度訪港，在港騷上大唱《你的名字。》插曲《夢燈籠》、《前前前世》及《sparkle》，令本地歌迷拍爛手掌。

【上半年K歌榜成績】《逃恥》主題曲hit足半年 RADWIMPS成績最威水 

依家有無綫經典台，翻煲舊劇，隨時都可以。問題係，今時今日，仲有冇劇值得煲。

於是就有人話，《九五至尊》正呀。

《九五至尊》又真係好正。2003年首播，張可頤吳美珩江華Paul哥陳曼娜陳嘉儀馮素波鄧浩光仲有個林韋辰。林韋辰都重返無綫，亞視味仍濃；江華劉華劉江華三合一嘅江華拒復出拍劇，吳美珩變身闊太，艷光不減。四娘張可頤呢？

拍《九五至尊》時，她34歲，今年48。台慶頒獎禮常客，當年與宣萱的恩怨……依家宣萱都回巢拍4K，張可頤2012年離開娘家後，未再回頭。

【又一個Mall姐翻版？】 去過港視，又上大陸，早排拍咗美國Fox進軍亞洲、斥資開拍的《香港華爾街》，仲拍電影———張可頤已經好耐冇拍戲。新作係《女人永遠是對的》，最近可頤密密做宣傳，故事講述四位曾任職空姐女性生活，個性及感情方面不同迂迴，好貼合香港中女話題。

戲中可頤飾演表面婚姻美滿，實情係暗藏殺機婚姻，慣性操控主宰狂，婚姻走進墳墓，被飾演老公謝君豪提出離婚，最後發現：「自己輸畀一位女性年紀比自己大，樣貌條件都比自己差女人，真係晴天霹靂，輸畀後生都心甘命抵。」又一個Mall姐？定戴安娜輸比卡美拉的翻版？

電影主題想令畀女性尋回真正內心快樂，對老公同個家，唔係越揸得緊就得，要學識放手。大銀幕上可頤講得咬牙切齒，戲外對感情是否有呢份執著？她稱：「我對感情係講感覺，要睇有冇條件附帶之下，有冇小朋友或者經濟、雙方家長壓力。成年人唔係話離婚就離婚，以我經驗，都係拍拖多，灑脫啲。」

【專登去搵一啲錯嘅男人】 在感情世界裡，可頤謂自己絕非合格家庭型女人，不甘於結婚生小朋友、湊小朋友返學放學、補習、搵學校、考試這種全職母親生活。意味不婚主意？可頤話：「又唔想用『不婚主義』形容自己，只能夠講，依家嘅狀態係最舒服，以後唔敢講。加上近幾年都不斷在外地工作，連媽咪都唔係成日見到，如果我真係結咗婚，係咪一個稱職老婆或者媽咪呢，我認為依家呢個狀態係最啱我。」

年屆48歲可頤保養得宜，仍然索女一名，熟女階段仍未遇上真命天子，完全冇壓力，佢話：「感情狀況未有著落，我成日覺得啱嘅男人未遇上，如果啱嘅就喺埋一齊咗啦，我又唔係專登去搵一啲錯嘅男人，係錯嘅男人嚟搵我多，啱嗰個人未出現，我嘅狀態就是如此。」

採訪：卓寶花 攝影：沈健程 片段：廖達燊 Hair : Louis Tse @ POPEIGHT Make up : Chris Chan 服裝提供： Bally 鞋：Jimmy Choo 場地提供：新蒲崗貝爾特酒店

【輸俾樣貌條件差過自己嘅女人】48歲張可頤認命：錯嘅男人嚟搵我多

張敬軒今日下午五時許，同女助手乘7人車到中環歌賦街一間買懷舊傢俬店睇傢俬。該傢俬店共分兩層，軒仔就同女助手行晒兩層，見佢對一啲掛牆佛像、畫框等感興趣。

軒仔左睇右睇，約半小時後離開，《蘋果》記者上前問佢可有收穫，心情大好嘅軒仔就好老實咁話：「冇呀，啲嘢好貴呀！」

曾經試過有十年搬四次屋嘅軒仔(新聞連結： http://bit.ly/1HufJ0Y  )，見佢又睇傢俬，記者就問佢係咪又搬屋呀？軒仔話：「唔係，唔係，睇吓啫！」語畢就同記者講：「辛苦晒！」，之後就同女助手離開。

【狗仔出更】張敬軒帶女去中環睇傢俬 睇掛牆佛像

現年29歲嘅韓劇《回答吧！1997》男星徐仁國，今年3月28號以陸軍現役身份低調入伍，但入伍短短4日就因為被檢查出左腳踝距骨軟骨病變，獲退出新兵訓練所回家休息，並於本月5號接受更精密嘅檢查及再次進行兵役體檢。

今日徐仁國所屬事務所發聲明表示，徐仁國被診斷患分離性骨軟骨炎，於兵役體檢中獲得「5級」評級，其「陸軍現役身份」被免除。據知韓國兵役制度中，5級兵役屬有緊要事先出動。而聲明中除咗徐仁國嘅診斷報告及體檢評級外，冇提及徐仁國之後嘅活動方向。

【韓流】徐仁國診斷患分離性骨軟骨炎 免除陸軍現役身份

由C AllStar嘅吳崇銘（King）同李任燊（Kyle）主演嘅青春片《那一年，我17》，講述一班年輕學生，在如何擺脫大人嘅框架下，追尋自己夢想，完成夾band嘅心願。《那》片以澳門為背景，King指平時少機會接觸澳門電影，今次導演搵咗佢哋演出，再俾機會佢哋讀多次書。

King指其角色怕事，經常被人恰，喺學校成績差，但係亦有自己嘅理想，就係夾band唱歌俾人聽。已經31歲嘅King話：「故事發喺17歲，其實o依家扮唔番，大家都盡扮，把聲唔似17歲，盡量扮單純，講嘢低能少少，外型上薯啲都幫到。細個有夢想，大個去做，見我哋戲入面畢業出嚟做嘢，大家撞番回憶番17歲嘅時侯。自己真係17歲時，真係唔知自己做乜，冇咁大理想，每日擔憂遊戲角色升level去到邊，隔籬班嘅女仔有冇收到我封情信，打波時個姿勢型唔型。」

至於Kyle喺戲中飾演被喻為廢青嘅有錢學生，佢話：「講我哋參加歌唱比賽，學校覺得我哋係廢青，我哋去追求理想。我喺戲中要彈低音結他，但我未接觸過樂器，要花好多功夫，King喺拍攝時指點我好多。」由於要飾演17歲學生，現年26歲嘅Kyle話：「17歲嘅小朋友，講說話好誇張，所以自己會刻意啲。自己17歲時，諗嘢好簡單，鍾意個女仔就想追到，我鍾意打籃球，班際比賽攞到獎就OK。」

髮型：Zanki of iHair（King） 服裝：Chocolate（李任燊） 場地：Centre de Vin

【31歲演17】講嘢低能扮單純  King@C AllStar：擔憂女仔有冇收到我封情信

郭富城(Aaron)昨日在北京出席新片《破局》的記者會，每逢出場都喜歡以老西打扮示人的Aaron，今次都不改作風，穩穩陣陣揀着一套型仔西裝。

Aaron曾經受訪時表示過自己是一個低調的人，今次他揀的西裝都低調中見品味，出自法國品牌Lanvin的外套，翻領有白色的飾邊，對比的色調突出西裝的輪廓。Aaron又扣上酒紅色絨布襟花，令黑look更醒神一點。

【add即時．尚】襯朵靚襟花 郭富城揀Lanvin低調黑西裝

何超儀啱啱拍咗一個胸圍廣告，仲要喺廣告入面化身AV女拍床戲，不過只係搞下笑，絕對唔使露肉。超儀話：「今次拍廣告真係好搞笑，好好玩。床戲NG咗好多，但唔關人事，係張被累事，因為東方昇想按導演要求，搞到張被飄逸啲，所以我哋玩冚被玩咗好耐。」

廣告入面，超儀本來係做廣告導演，最後劇情講本來做AV女主角嘅人唔肯做，結果佢同東方昇要臨時上床。超儀笑住話：「大部份都係跟導演意思，其中一句好堅持嘅對白，係男性欣賞女性嘅睇法，因為我係一意孤行，相信每個女人都希望男人喺行房前當自己雕塑咁欣賞。」

【AV情節】何超儀拖佬上床 「行房前當自己雕塑咁欣賞」

日本型男速水直道出道15年，今日佢終於首度到台灣，不過貴人出門招風雨，今日台灣當地豪雨，好彩冇影響到速水航班，更比預定時間提早抵達。32歲嘅速水穿牛仔外套配一身輕便打扮，表現親民，見到粉絲更有握手及簽名。

速水此行預計留台兩日一夜，聽日會為台灣美食展宣傳，下月21日至24日會再到台灣一次，與粉絲近距離接觸。

速水近年轉型成靚仔廚神，為晨早節目《ZIP!》主持「MOCO'S KITCHEN」烹飪單元環節，吸引大批師奶觀眾支持，更於7年前推出食譜，而佢出名最愛用橄欖油，被網民封為「橄欖油王子」。

【橄欖油王子襲台】速水直道出席台灣美食展 機場親民派簽名

龐景峰、「阿一」布偉傑、河國榮同蘇慧恩今日喺銅鑼灣出席健身活動，向來鍾意做運動嘅龐景峰，經常跑步，佢話：「我好癲㗎，我住半山，跑去天后，食碗豆腐花就再跑返屋企。」佢透露曾參加馬拉松，最後獲得季軍。

提到早前同爸爸錢小豪合作新片《生化藥師》，龐景峰表示喺片中飾演爸爸嘅後生版，所以冇對手戲。問到有冇時間拍拖？佢話：「冇呀，聽日都要飛去外地拍戲，8月又要拍另一部戲，做動作演員唔忙唔得，休息兩日都會生銹。」

提到阿一上個月20號喺美國同女友Celia舉行婚禮，後日就會喺香港科學園補擺喜酒，佢話屆時好似一個party形式，有樂隊唱歌，而佢咁鍾意唱歌，當然會上台唱番兩首歌啦！由於阿一稍後要做舞台劇同拍電影，所以度蜜月都要推遲。見阿一早排操弗身型，問佢係咪要趕住造人？佢笑住話：「已經計劃緊，因為5月20日註冊咗，不過生唔生就隨緣，我哋又唔急。」

當年今日