軟硬天師葛民輝和林海峰昨日在銅鑼灣參與7月7日舉行的「無國界醫生日」宣傳活動，他們更為活動設計襟章和T恤，呼籲各界人士捐出一日的收入，二人工作範疇多，一天收入會否很難計算，林海峰笑謂找核數師計算。

林海峰在活動上笑說：「本來5,000幾人嚟，但政府呼籲唔好去人流多嘅地方，所以今日得7個人。」事後問到他可會覺得失望不是太多人來支持，他說：「唔會，本來我預得5個人，但家有7個人，多咗20%。」他們更謂會在全廣播道向同事呼籲。林海峰亦指藝人做慈善的力量不及醫生和義工大，他說：「做善事都係自我治療，而且又幫到人，算係互惠互利。」葛民輝則說：「如果做善事幫咗人，你會覺得原來有人低過我，低處未算低，再幫吓人，感覺會好啲。」<br/>採訪、攝影：王連連

軟硬義助無國界醫生

影視大亨「瘦蜢蜢」原本有個好固定嘅「寶島女友」，但一年前開始，佢身邊又出現另一個圈外女伴。近呢年佢約朋友飯局、去夜場蒲都會帶住呢個新女伴，寶島女友肯定失咗寵，好似早排舉行嘅影展，瘦蜢蜢上年仲係帶寶島女友去，今年就換咗帶新女伴。好多香港影人見到佢同呢位新女友出雙入對，聽啲影人講，新女伴樣貌同氣質唔算好出眾，但勝在識得冧佢，所以得佢幾開心，聽聞寶島女友都知道咗一段時間，傷心之餘，已準備帶埋個女返寶島定居。<br/>Textby關仁

當年今日