呢排娛圈真係好多喜事，今日有線主播黃芳雯結婚，下年到白雲做人妻，「港版半澤」陸駿光同圈外女友茵茵（Sherraina）亦將於今年8月22日擺酒。 「男神」王宗堯噚日就係fb貼合照，話已經收到請帖，仲話﹕「以前都很害怕收到炸彈!但人大了，越來越想分享朋友的喜悅!恭喜你啊!哪喳，你終於結成婚啦!」陸駿光今日喺電話度，話原本打算擺22圍，但因為朋友太踴躍，所以要book多個hall﹕「budget有限嘛，依家可能over30圍呀，王生(王維基)都有請。」

【朋友太踴躍】陸駿光8月擺酒加開至30圍請埋王維基

鄭秀文﹝Sammi﹞最愛甚麼？相信是做運動、自拍、玩微博及ig。今日她又在ig騷自拍照，穿上斑馬紋裝，手持大大個黑色AlexanderMcQueenLegend手袋，並寫道：「Thankyou阿Ta。很夠容量的包包。（我又可以放下餅乾和almond了！哈哈！）」 Sammi所說的阿Ta就是蘇永康老婆、任職AlexanderMcQueen亞太區總經理的Anita，許志安與蘇永康老友鬼鬼，兩位阿嫂自然關係要好，Anita送上容量大的包包，讓Sammi載大量零食，認真貼心。 更多時尚新聞，即上： http://add.appledaily.com

【add即時．尚】鄭秀文自拍騷蘇永康老婆送贈McQueen袋

吳綺莉(Elaine)同囡囡卓林嘅心結，似乎就仲要一段時間先可以解開，好彩喺呢段時間，Elaine身邊有好朋友翁靜晶相伴，今日佢哋就去到天水圍一班需要特殊學習嘅小朋友畫畫。 今日翁靜晶喺fb話：「卓林與萬儀聯袂去了看電影，所以今期未能幫手做義工。於是吳靚媽與翁大媽，便全權主管大局，先讓小朋友畫畫，然後齊吃雪糕，開大食會。趁機，我也跟隨小朋友一起學畫畫，吳綺莉真是一位好老師，雖然嚴格，卻是耐性十足。讚！」

有友相伴做義工吳綺莉教小朋友畫畫

吳孟達今日到馬場出席活動，講到聽晚佢有份主演嘅劇集《他來自江湖》重播，達哥都好期待話:「好經典，成26年前，以當時係超水準，又好收視，依家晚上12點幾啲戲好受歡迎。」不過達哥因身體狀況要早休息，所以唔會追劇，平時打開電視只係睇新聞、馬同波。 講到拍劇合作，達哥仍然記憶猶新話：「我同星仔都係二、三線演員，我就資深二、三線，有時我哋度咗啲嘢，冇人敢講就我去搵監製提出，當時好多監製又同星仔唔熟。」達哥話去年星仔開拍《美人魚》時有透過中間人聯絡，但最終無緣合作。 問到達哥係咪如今劇集新不如舊?達哥即話：「唔好咁講，好睇，只不過我冇睇啫。」會否期待《他》劇出街後，有效應更多人搵佢工作搵多轉快錢?達哥話：「一直都好多人搵我做嘢，內地多，事實近年內地劇好過香港同台灣，文化水準高，對中國文學有研究，呢個唔係我講，相信大家有目共睹。」

【短片】【唔使靠重播劇搵快錢】吳孟達讚內地劇水準高過港台

夏日炎炎，靚媽岑潔儀帶住差不多半歲大嘅囝囝Damien去泳池游水，兩個BB當然就係得意啦，但係都唔可以剩係睇BB唔睇媽媽喎，因為生完後火速修身嘅岑潔儀都著上白色比堅尼，晒盡Fit爆身材。 岑潔儀仲話BB成大個大爺咁：「大人小朋友一齊游泳，實在太開心，人多就是熱鬧，所以要努力生多幾個，小DC又長大多一點，所以比上次更享受游泳囉，我更發現小DC每個pose都很像大爺，你們看他又托手又交差腳，真的很嘆啊。」睇真啲相，Damien又真係幾識攞pose，睇嚟第日可以做個童星喎。

【短片】【夏天，為大地帶來靚媽】人妻岑潔儀帶囝游水晒盡Fit爆身材

待嫁新娘子白雲，搵到個學識高兼有家底嘅男友江俊霖(Kelvin)，今年4月Kelvin喺日本櫻花樹下向白雲求婚，據聞佢哋最近已定婚期，預計明年10月於尖沙咀洲際酒店擺酒。 雖然白雲未正式成人妻，但生活已經無憂，噚日約埋三位閨密去澳門喪玩兩日一夜，今日仲好大方喺facebook貼上噴血泳裝照，大騷35E超激凸身材，白雲躺在水中big波蕩漾，簡直係婚前大解放！ 白雲今日喺whatsapp表示﹕「我哋擇日明年10月29日擺酒，但未知幾多圍。諗住去特別地方，如冰島、俄羅斯影婚紗相，但好多嘢未決定，但最重要都係keepfit先，明年開始。」白雲嫁得風光，佢話最開心係爸爸媽媽﹕「其實去邊擺酒冇乜意見，反而最最最戥我開心係搵到個性格隨和、就得人嘅男友，覺得我真係好幸福。」

【短片】【下年10月擺酒】白雲婚前大解放澳門晒35E激凸身材

【澳門直擊】英國萬人迷碧咸（David Beckham）昨日於澳門威尼斯人為H&M新店揭幕擔任嘉賓，他見到工作人員扮成人肉咪架拿着大批咪牌時，就被嚇到儍笑，碧咸於記者會上屢次提及家人，對於父親節即將來臨，碧咸表示最想收到的禮物，只是子女愛的抱抱及親親爹哋。 現年40歲的英國前球星碧咸，昨日為時裝品牌H&M的澳門店開幕擔任嘉賓，門外聚集近200名fans，將現場擠得水洩不通，於下午3點多身穿橫間衫的碧咸先走上台給記者拍照，全程微笑，卻不慎微現發福的小肚腩，碧咸在台上說：「多謝大家支持，我有很多時間留在澳門玩，十分享受，且每次到澳門都感到賓至如歸，這間舖位前身是售賣曼聯物品的店舖，所以帶給我很多共同回憶。」

記者即開始set咪牌，但碧咸卻被現場眾多咪牌嚇親，更走前拍一拍手持大批咪牌充當人肉咪架的工作人員膊頭以示鼓勵，於活動上碧咸總共回答了傳媒6條問題，其中3條有關他的家人，談到平時跟家人相處會做甚麼時，向來愛錫家人的他言談間更爆了孻女哈七正在學芭蕾舞：「只做些很平常的事，例如去公園及踢波，現在還會去跳芭蕾舞。」下周日便是父親節，問到碧咸最想子女送甚麼給他？碧咸要求簡單：「最緊要是花多些時間跟我一起，已是最好的禮物，錫我多點、攬我多點就夠！」當問他會否搬來香港等亞洲城市居住時，碧咸說：「我的家人住在倫敦，他們年紀仍小，又正讀書，要有穩定生活，但我喜歡亞洲，有機會的話我不會拒絕。」

談到導演老友基里奇（Guy Ritchie）為他拍攝只穿着內褲於室外奔走的廣告，碧咸說：「一知道要拍這個廣告，我便第一時間找他，他有好好的想法，廣告出來效果很好，有少少幽默。」被問到會否做演員？碧咸笑笑口說：「這條問題已被人問了很多年，我沒有特別想做演員，但我不時要演出好多廣告，所以有機會的話，我都會嘗試。」對於跟威廉王子初生的小公主夏洛特（Charlotte）同於5月2日生日，碧咸謂感到超級特別。 碧咸下午4點半又特別從店內走出來，令fans興奮得尖叫，一班fans之後更緊隨碧咸走去金沙中國招聘及事業發展中心。 採訪：丁焯敏 攝影：陳慧安

碧咸嫂Victoria由辣妹（Spice Girls）成員變成一名成功的時裝設計師，最近她被發現左右手腕內側的兩個紋身，有變淺的迹象，有英國傳媒指Victoria此舉是為配合其事業型女性形象。據指Victoria的紋身都是與碧咸愛的見證，左手上有碧咸名字的縮寫DB及紋着「永遠在一起」的字眼，右手的羅馬數字06年5月8日，是她與碧咸再訂誓盟的日子。

弗爆碧咸中年發福？澳門見人嚇親

澳門見人肉咪架嚇親 碧咸父親節恨子女攬錫

身為聯合國大使的荷李活影星安琪蓮娜祖莉（Angelina Jolie），前日到南非約翰奈斯堡，跟非洲聯盟執行委員會主席朱瑪（Nkosazana Dlamini Zuma）及英國前外交大臣夏偉林（William Hague）齊齊就戰爭邊緣地區的女性展開研討會。 安琪蓮娜為身在戰區中飽受暴力對待包括強姦的女性發聲，為她們爭取權益，她說：「以暴力對待女性已是全球現象，無論於戰區或是和平社會，不過這些事仍被視為較次要罪行，女人面對暴力展現堅忍和力量，我們應該要為她們設立長期保障措施，政策並應由女人設計及執行，不應由男人決定。」 撰文：盧葦

安琪蓮娜赴南非爭女權

趙學而昨日與王若琪在觀塘出席野生救援活動，大會新聞稿稱趙學而為正義女神，她說：「作為巿民，對於不公平事就講吓。」近年樓價高企，年輕人難置業，學而說：「好多巿民其實都好少娛樂，雖然我唔使好似佢哋咁辛苦，但都感覺到佢哋嘅壓迫。」學而被問亞視有新老闆，可會有合作，她說：「主要睇工作適唔適合自己，唔好以為我嫁咗唔使做。」

趙學而被封正義女神

金像影帝奇雲史帕西（Kevin Spacey）跟英國男星班尼狄甘巴貝治（Benedict Cumberbatch）等昨日獲英國白金漢宮公佈，將獲英女皇頒授勳章表揚。 每年於英女皇壽辰前夕都會公佈授勳名單，今年有不少更是電影觀眾熟悉的面孔，其中奇雲史帕西因於倫敦劇院擔任藝術總監10年，不遺餘力推動戲劇而獲得較高級別的KBE勳章，收到消息他興奮表示：「好像獲收養做養子一樣開心，對於被女皇認可我感到受寵若驚。」 《解碼遊戲》（The Imitation Game）男星班尼狄甘巴貝治跟黑人男星楚伊特艾治奧福（Chiwetel Ejiofor）則會獲CBE勳銜，金像影帝艾迪烈柏尼（Eddie Redmayne）則獲OBE勳銜。 撰文：盧葦

當年今日