韓國女子組合T-ara將於下月初推出新曲《DayByDay》，她們更宣佈將會為這首歌曲拍攝一個科幻版MV，該MV猶如迷你電影一樣，長約20分鐘，以2330年的未來城市作背景。 剛由7名成員增加到9名的T-ara，在新MV中全體都會演出。而T-ara亦將於下星期飛到日本在當地舉行巡迴演唱。

T-ara新曲 科幻MV如迷你電影

由松岡李那、蔡恩真等人組成嘅女子跳舞組合GirlsKingdom，噚日喺尖沙嘴出席活動，佢哋着上短裙跳舞好搶眼，蔡恩真彎腰時仲唔小心露出打底褲，咁又唔覺意搶咗鏡。成員之一嘅久保杏奈，之前同房祖名傳約會過，佢用英文否認緋聞，仲話同祖名只係朋友，不過久保都好老實咁話：「我喜歡佢，但只係朋友，佢真係好可愛。」另外又有傳久保同蔡恩真爭祖名，久保聽到即刻對住蔡恩真話：「Iloveyou，我哋冇爭任何嘢。」

咁究竟幾位女仔鍾意啲乜嘢類型男仔？久保好搞笑兼老實話自己鍾意鹹濕仔，咁祖名係咪鹹濕仔先？久保老實不客氣話：「係㗎！每個男生都係鹹濕仔。」不過久保之後話朋友教佢鹹濕仔嘅中文解做好可愛。 之前祖名接受訪問時話如果前女友係戴安娜皇妃，之後同個妓女一齊會好對唔住舊愛，擺明踩咗唔少緋聞女友一腳，家久保形容祖名係鹹濕仔，唔知係咪要報仇。 蔡恩真就話自己心儀安志杰，但係知佢已經有談婚論嫁嘅女友謝婷婷，自己惟有放棄。至於松岡就鍾意郭富城，希望可以同佢一齊跳舞，不過睇怕要得到城嫂熊黛林批准先得喇。

馮仁昭四圍超：久保杏奈爆祖名鹹濕 - 馮仁昭

賭王千金何超蕸（Maisy）現身會展，出席公益金年度頒獎典禮。她透露父親去年90大壽將賀禮捐出，獲得籌款第二名，故代表賭王領獎：「上年生日籌到多啲，捐多啲咪開心啲，老人家福有悠歸。」 Maisy又透露父親節將會一家人與父親食飯慶祝，又表示賭王近日精神飽滿。

何超蕸與賭王食飯 慶祝父親節

陳小春到數碼港的電台接受陳海琪訪問，問到近日好兄弟鄭伊健傳和蒙嘉慧結婚，小春坦言兩人早應拉埋天窗，又笑言：「可能結咗你哋唔知。」 記者笑他想爆料，小春即謂：「爆咪爆，不過應該未，但係我透露少少，聽聞佢哋係有呢個動作，因為伊健問我攞期。」問是否做兄弟團？小春表示伊健未有提及，笑稱可能是請他去看演唱會。

小春爆伊健 問定兄弟檔期

糖妹同許廷鏗前晚喺旺角出席手機活動，糖妹收到廣告商送嘅兩部手提電話，佢好苦惱話唔知用邊部先。問佢會唔會送一部畀男友Bro5成員Dominic，佢就笑住話：「我唔會同人分享，因為廣告商係送畀我。」至於許廷鏗對有傳謝安琪加入佢嘅唱片公司，踢走陳法拉同欣宜做一姐，佢話：「我又唔覺得，可能公司幫佢發行啫，咁冇乜影響。」

馮仁昭四圍超：糖妹拒與男友分享 - 馮仁昭

寇鴻萍與女兒唐貝詩、白韻琴、謝偉俊和趙哲妤昨日在金鐘出席首飾品牌FreyWille活動。唐貝詩表示胞妹唐貝欣未受周杰倫緋聞影響，正在北京做交換生，讀中國工商管理學，她說：「考得好好，科科A，全部90分以上。」她不清楚胞妹感情狀況，自己感情也未有着落，呼籲男仔展開追求。 唐貝詩又透露一家人會在暑假出席媽媽的畢業禮，她說：「媽媽喺英國碩士畢業，之前喺嗰度行咗禮，我冇去到，會喺香港行多次。」唐貝詩現時幫阿媽手，但未敢另搞生意，她說：「冇信心，上年12月開始搞團購，生意有進步，開始賺錢，趙哲妤啱啱開美甲店，會合作搞團購優惠。」 採訪、攝影：林嘉慈

唐貝詩讚細妹科科A

模陳靜（DaDa）和林宜芝（Monna）昨日到尖沙嘴出席遊戲活動，從良的DaDa封胸現身，反而Monna穿上比堅尼，大騷32E迫爆身材，引來大批男士狂影相。DaDa表示今年會出相集並非寫真集，當中不會有性感相片，是否有意洗底從良？DaDa謂：「唔係，只係想試其他嘢。」

搶盡風頭的Monna聲稱因天氣熱，故以性感造型亮相，問到被男士瞄準上圍狂影？Monna說：「唔介意，佢哋都係鍾意我先影我個胸啫，我做足安全措施，貼咗乳貼。」提到寫真集，Monna稱會做回自己，又透露在家必要穿超性感睡衣才可入睡。 採訪：卓寶花 攝影：陳慧安

Monna騷E奶任影任

方大同前晚在灣仔會展舉行音樂會，並邀得周柏豪及DearJane任表演嘉賓，當柏豪演繹《到此為止》時，師妹連詩雅出場與他合唱。

早前有指無綫與環球及華納再起紛爭，無綫要求歌手上其他電視台時，要於七天前知會無綫，前晚無綫有派採訪隊採訪，無綫主播黃建東亦透露收到公司通知可以採訪華納歌手，但環球就未收到通知。方大同說：「無綫邀請我就做，主導權喺佢哋度。薛凱琪（Fiona）冇嚟，佢要為演唱會綵排。」 採訪：黃曉妍 攝影：葉君海

方大同懶理無綫新規矩

崔建邦連番犯錯後，主動要求解約及轉做幕後擔任助理編導工作，無綫見他有心改過，遂在今年1月讓他復出做《十大勁歌金曲頒獎典禮》司儀，之後獲安排做《萬眾同心公益金》，邦邦的表現理想，加上好的司儀、主持人才缺乏，無綫再跟邦邦簽五年經理人約，回復親生仔身份。

據知雖然邦邦的恩師陳志雲已離開，但無綫仍悉心栽培這個親生仔，為保其形象，只安排有質素的工作給他，包括有下月7日舉行的《翡翠歌星紅白鬥》、8月29日的《香港小姐競選決賽》，以及港姐泰國、番禺外景淘汰賽司儀，其他普通工作都不讓他沾手，以鋪排邦邦明年初再任《勁歌》總選司儀。 對於陳志雲離任後，無綫仍睇重他，邦邦坦言：「首先多謝公司畀我由助導做番幕前，好珍惜呢個機會，其實無論任何類型節目，只要適合我都想做，因為覺得無綫節目都係有質素嘅，之前有一段長時間冇做主持，都想多啲唔同工作等我操番自己。」

邦邦覺得現時狀態不俗，尤其之前有港姐記者會做訓練，已逐漸重拾狀態。為免再令公司失望，邦邦也努力做好本份：「家要減肥，因為畀記者朋友話肥到豬頭咁，家生活亦簡單咗，做吓運動又戒食甜嘢。」問到還會飲酒嗎？邦邦坦言：「好少啦，冇話一定唔飲，但我好珍惜有人畀咁難得嘅機會我。」 採訪：汪芷寧

當年今日