早前出席時裝頒獎禮不慎露點的美國百變天后LadyGaGa，今日離開巴黎的酒店時，被發現穿上的中空超低胸Versace晚裝時，在胸部貼上大量膠紙至乳房變形，認真騎呢。 此外，連日來以Versace時裝現身的GaGa，被指是因為與人打賭才會被迫日日著Versace。

GaGa貼膠紙防走光 乳房騎呢變形

英國性感名模KellyBrook上月懷胎五個月不幸小產，經休養一個月之後昨日被拍到與男友ThomEvan齊齊外出用餐再現歡顏，身穿花裙的Kelly與男友仿如連體嬰一樣步出家門去吃午餐，其實Kelly近日已不斷現身，但仍未有正式的工作，預計她下月會全面復工。

KellyBrook流產後心情漸回復 預計下月會復工

鄭秀文（Sammi）同許志安日前去咗日本預支蜜月，原來呢對翻撻戀人去日本南青山玩，仲有人見到佢哋喺當地拍拖shopping嘅情況，當中Sammi一身便服攞住個手袋仔，不知幾咁輕鬆，反而安仔就孭住個大背囊，幫女友攞戰利品，不過安仔依然可以空隻左手出嚟拖住Sammi，真係甜到漏。

一向鍾意玩微博嘅Sammi享受完二人世界後，喺返港前一日終於忍唔住玩吓微博，仲上載咗幾張喺日本嘅新相，其中一張係佢試緊衫，喺鏡前擺晒甫士，夠晒風騷，另一張就坐喺試身室前對鏡反影，呢張似係等緊安仔試衫，自拍打發時間。 另外，Sammi又貼咗張hightea嘅相，呢張當然係由安仔操刀影啦。仲有一張相似係一間和食舖頭嘅單張，Sammi喺上面寫咗啲資料，一定係食過翻尋味，諗住下次去日本時再幫襯。玩完六日後，Sammi同安仔噚晚搭夜機返港，Sammi執行李前喺微博留言：「我寧願洗一百隻碗碟都唔想執一個行李。」

拖Sammi日本掃貨 馮仁昭四圍超：安仔樂做苦力 - 馮仁昭

榮升冬甩大師姐的Rainbow（胡心諾），今年將與冬甩其他成員及Fantasy合力推出寫真，今次主要在香港和郵輪上取景，當中冬甩會以金木水火土五個元素為主題，造型是火的Rainbow說：「全部我都好鍾意，但係火嘅形象最深刻，有啲小惡魔嘅感覺，啲人見到我個妝都話好特別，好似漫畫人物。」

不怕火的Rainbow笑稱拍攝過程很刺激，但有一件事令她很難忍，她說：「拍火嗰陣會淋啲火水喺我後面，好似有啲燃燒緊嘅感覺，我自己唔怕火，反而覺得好刺激，個心仲有啲想笑，不過鏡頭前個樣又要扮到好cool，惟有忍住唔笑，雖然拍呢啲場面好難控制，不過過程都好順利，都好好玩。」 寫真強敵當前，自稱是甜美性感的Rainbow直言信心十足，她說：「我哋畀咗好多心機去做，而且仲好有特色，唔會比其他人輸蝕。」 採訪：何慧斯 攝影：林德雄

胡心諾　Rainbow 年齡：19歲 三圍：32B、24、32 身高：5呎6吋 體重：102磅 經驗：演出無綫節目《美女廚房》時與方力申傳緋聞，同年推出《夏之盛放》寫真集及網劇等。 資料來源：《蘋果》資料室

夏娃兒：Rainbow玩火小惡魔

由王晶執導的新片《財神客棧》即將上映，戲中張家輝的齙牙造型十分搞笑，可謂完全豁出去，王晶表示原來家輝經常扮齙牙嚇熟人，有一次他跟太太去戲院看電影他突然變成齙牙人出現，嚇了王晶一跳，後來家輝就把這個造型放在戲中，想不到效果甚有喜劇感。 而有份演出的謝霆鋒因受婚變傳聞影響，不會回港出席該片宣傳。

齙牙張家輝嚇親王晶

新聞人物張栢芝仲未出現，一班記者噚日繼續喺機場等佢，亦要等復合嘅鄭秀文（Sammi）同許志安去完日本返港，其間等到喺外地做完騷嘅張學友同經理人陳淑芬一齊出現。雖然坐完飛機，但學友都好精神，見到記者仲問等邊個，記者話等Sammi同安仔，佢就話都有睇報紙知佢哋去咗玩，問學友會唔會祝福佢哋快啲結婚？佢即刻話：「梗係會。」

馮仁昭四圍超：學友催安仔拉埋天窗 - 馮仁昭

由陳可辛執導，甄子丹、湯唯和惠英紅主演的電影《武俠》將於下月上映，惠英紅原來當年是甄子丹母親的徒弟，跟子丹相識超過10載，直至最近拍攝《武俠》，兩人才來一場屋頂對決。

故事講述小紅飾演子丹後母，因游說子丹當回「殺人狂」二當家之位不遂，兩母子決裂而不惜惡鬥連場。小紅說：「早於子丹11、12歲時，我已認識他，因為當時正是拜子丹的媽媽為師，跟她學習兵器、槍棍，發覺這位小帥哥十分聰明，直到今天終可跟他來一次真正的交手，實在此生無憾。」 撰文：林妃

子丹、小紅屋頂對決

梁漢文（Edmond）昨日與EricKwok在商台宣傳新歌《懶音哥》，Edmond表示錄這首歌時，要有懶音和真音，自己也忍不住笑，之後唱現場一定好緊張。有指曼聯球會在港上市招股，Edmond稱不懂買股票，只會將錢用來買外幣。 至於有傳張栢芝已帶兩子飛往大馬找謝霆鋒，Edmond說：「冇搵佢哋，真係唔知，作為朋友我諗唔好回應喇。」Eric則說之前有與霆鋒打機，但不知對方是否不開心。提到若果鋒芝離婚，會否感可惜？Eric說：「任何人都覺得可惜，佢哋兩個幾襯，最慘係佢哋一對囝囝，所以生之前要諗清楚。」 採訪、攝影：溫敏芝

當年今日