張惠妹因為俾內地嘅大學生話係「泛綠歌手」，所以成為內地反台獨民眾嘅針對目標，前晚佢喺杭州演出，因為有民眾示威，嚇到阿妹連酒店房門都唔敢出。呢件事喺台灣引起迴響，噚日有唔少網友揚言要以同樣嘅手法，抵制內地歌手那英同埋喺北京出世嘅王菲，叫大家唔好買佢哋嘅唱片，替台灣歌手出番啖氣喎。  <spanclass="arttextboldbig">阿妹眼泛淚光  阿菲嘅歌迷就抗議話咁做唔係辦法，冤冤相報何時了，況且件事都唔關阿菲事，咁做好唔公平。王菲嘅經理人邱王黎寬話阿妹被抵制件事已經夠誇張，如果將阿菲都扯埋落水就太離譜，佢強調阿菲對台灣感情好深，向來不問政治，台灣「九二一賑災」，阿菲重捐咗一百萬新台幣（約二十三萬港元）。 張惠妹噚晚八點返到台灣，對於被內地反台獨民眾抗議嘅事，佢話：「很難過也很沮喪！」佢又激動到眼泛淚光話：「藝人很多工作不是自己能做主，不過有了這次經驗，往後我會更加謹慎。」阿妹話希望可以照原定計劃做王力宏喺上海演唱會嘅嘉賓。  <spanclass="arttextboldbig">張艾嘉撲唔到歌神飛  歌神許冠傑復出演唱會飛熱賣，十場飛一日賣晒，佢嘅舊拍檔張艾嘉前晚睇電影《浮生若舞》首映場，都呻話買唔到飛，佢話：「佢真係唱得好好，應該出番嚟唱歌，不過我都買唔到飛，所以冇得去睇！」相信歌神聽到，都會私人醒幾張佢睇啩！  <spanclass="arttextboldbig">官恩娜回味阿Sam嘴唇  官恩娜前晚喺灣仔，同來自巴黎嘅樂隊GotanProject夾band，負責打鼓嘅官恩娜無端端話想吹band友支笛，不過佢費事間接同隊友kiss喎。佢噚日出席活動時提到許冠傑（Sam）喺演唱會咀佢，又讚佢個嘴又濕又軟，官恩娜話：「咁多晚都錫面，阿Sam伸到個嘴埋嚟，都冇得避啦，呢個係『神的一吻』。」

阿妹遭威嚇：很沮喪 馮仁昭四圍超：台網友報復抵制王菲

著名油畫家劉宇一的女兒劉浩眉與東華三院副主席劉金國結婚，前晚在港麗酒店筵開三十席喜宴，並以新娘子的畫作布置會場，婚禮恍如開畫展。 <spanclass="arttextboldbig">賭王恭賀世姪女  賭王何鴻燊送上一對銀天鵝作賀禮，新娘劉浩眉穿婚紗帶他在場內四周參觀，賭王表示與劉宇一相識十載，他說：「我office有成六幅畫都係出自佢手筆，之前Lawrence（兒子何猷龍）結婚，佢都送咗一幅天鵝畫。」 民政事務局局長何志平胡慧中夫婦亦有到賀，何志平順道為女兒拜師學藝，他甫見新娘劉浩眉即問：「你有冇教畫畫？我想叫個女跟你學畫。」劉浩眉表示從沒有收徒，不過亦客氣說：「如果我開班教，一定收你囡囡，一言為定。」 <spanclass="arttextboldbig">局長訓示多造人  問何志平有甚麼夫婦相處之道訓示新人，他說：「講咗啦，要聽老婆話，重要生多幾個。」胡慧中恭賀新人早生貴子、三年抱兩，問胡慧中其夫何局長是否完全聽從她？胡慧中即說：「梗係唔聽啦！」而東華主席楊超成、玩具大王蔡志明的女兒蔡加敏、鄭明明和楊貫一等均有到賀。 採訪、攝影：JessicaNgan

高官富豪賀劉宇一嫁女 何志平約定畫家新娘拜師

好多本地樂迷都好鍾意嘅美國Nu-Metal樂隊LinkinPark，佢哋上年去完日本、韓國同吉隆坡等地方開騷之後，今個星期四（十七號）終於都殺到嚟香港會展。一向好潮嘅LinkinPark，最近重搵咗幫電影《標殺令》拍卡通嘅日本動畫公司I.G.製作全新MV造勢。 <spanclass="arttextboldbig">有鋪導演癮  LinkinPark個DJ成員JoeHahn一向周身刀，佢除咗鍾意玩音樂之外，佢亦好有興趣拍攝MV，之前樂隊《Numb》同《SomewhereIBelong》嘅MV都係由佢執導，今次Joe亦為樂隊首《BreakingtheHabit》個MV做導演。 最特別係今次成個MV都係動畫，當中出現卡通版嘅LinkinPark喺天台夾band，原來拍攝嘅時候阿Joe先喺洛杉磯拍低佢同隊友夾band嘅情況，之後就搵日本動畫家幫佢逐格逐格畫成卡通。LinkinPark今次唔敢玩暴力，係咁意掟吓番茄就算，而另一個跳樓鏡頭，血都冇滴，之前幫《標殺令》畫到鬼咁血腥嘅I.G.，喺Joe嘅指揮下，收斂咗好多。

17號殺人會展　卡通MV做手信 LinkinPark跳樓唔見血

日本ICup巨胸女星根本春美，近期銳意向歌壇發展，但成績唔多理想。已經有一年零六個月冇為雜誌《Sabra》拍攝寫真嘅春美，最近睇嚟冇乜聲氣，所以再次為本雜誌拍寫真，不過佢不幸輸畀人氣急升嘅杏小百合，連封面人物都冇得做，認真慘情。雖然春美𠵱家正要為月尾嘅迷你演唱會練歌，但睇怕到時啲fans都只係想睇佢身材啫。

水著歌手根本春美腹背受敵

馬主明嘉福的孫兒明子駿（Justin）兩歲生日，昨日明肇豐在其新開的銅鑼灣餐廳，為兒子舉行七十人的小派對慶祝。 <spanclass="arttextboldbig">激發母性  明嘉福女兒明美連送上利是，她說：「爹哋唔喺香港，都係畀利是。我以前好少接觸小朋友，𠵱家做咗人哋姑媽，發覺細路仔真係好得意、好好玩，激發我嘅母性。我都想生兩個，𠵱家都計劃一、兩年內生，仔女冇所謂，最緊要生得靚！」 採訪、攝影：JessicaNgan

當年今日