跑馬有時真係好神奇！上周三（7日）晚谷草尾場「翡翠紅星」戰死沙場。事隔一周，馬主董中浩及董吳玲玲夫婦今晚（14日）在同一地點雙倍攞番，先係第六場董吳玲玲個人之「翡翠福星」由潘頓大熱掄元，繼而在最尾第八場三班1200米爆冷贏埋董中浩名下的「翡翠劇院」起孖。

文家良馬房「翡翠劇院」由李寶利執韁，這匹三歲馬在港跑至第六仗，終於打開勝門，今場單Win及組合獨贏A2分別派220及19元。

「翡翠劇院」同「翡翠福星」都係賽前在港未勝自購馬，兩駒正正係文家良這次谷戰兩匹王牌馬。當中「翡翠劇院」近兩場分別在李寶利及莫雷拉胯下跑第三及第四，今次雷神唔騎而揀「志友運」，「翡翠劇院」用番在港唯一上名騎師李寶利，首度出師快活谷，排8檔跑1200米，係22倍冷門。

結果「翡翠劇院」早段留住跑守四五位，直路從外叠望空長驅直進，以輕鬆姿態追過一度突圍的另一冷馬「超好玩」，小勝0.75馬位，在港第六次出賽初跑谷草順利開齋，文家良與「翡翠」系馬主攜手起孖，成為今晚谷戰主角，至於李寶利連續贏到第四次賽事，運氣持續暢旺。

第八場二至四名分別為「超好玩」、「志友運」及「愛樂寶」，四重彩派五萬九千幾，騎師王由巫顯東以30分擊敗少佢四分的莫雷拉勝出。

雷神冇眼光揀錯？文家良炮製罕有「夫妻馬」孖寶

華將大師兄43歲的「香港戴圖理」賴維銘，這晚（14日）第四場三班1000米，夥拍蘇偉賢馬房「財神」後上一攻而破，殺敗最先突圍的雷神大熱座騎「首映」贏頸位，令賴維銘錄得個人今季首次贏馬，亦是他自2015年10月7日贏「創意寶」後，20個月來首場頭馬，可謂苦盡甘來。

賴維銘表示，非常感激蘇偉賢和鄭俊偉兩位練馬師，因為他們明知賴仔狀態不算很fit，仍然義無反顧地支持他，令他感到很感動。

賴維銘謂自己之前腳部嚴重受傷，鑲了三粒螺絲，復出之路困難重重，復出後感到自己體能差啲，未能立即適應賽事節奏，經過多番努力，終於投入賽馬模式，非常感謝所有支持他的馬主和練馬師。當賴維銘被問到今場頭馬是否很艱辛才能取得時，賴維銘說做騎師除咗最top嗰個（指莫雷拉？）之外，個個都有困難。

【走出人生黑暗期】賴維銘：除咗最top嗰個，每位騎師都有困難！

華人騎師這晚（14日）谷草認真爭氣兼醒神，第七場二班1800米，輪到27歲的吳嘉晉贏馬，佢騎師傅告東尼旗下落飛馬「馬克羅斯」一放到底，勝出個人今季第三場頭馬，單Win及組合獨贏A2分別派77及29元。

吳嘉晉現時身份係自由身騎師，佢在港剛好贏滿70場頭馬，正式由周日（18日）沙田日賽開始由受讓五磅轉為受讓三磅。截至此場這晚華人騎師已有巫顯東（起孖）、賴維銘、潘明輝及吳嘉晉四人贏馬，共取五Win。

講番現年四歲的英國自購馬「馬克羅斯」，由大馬主蕭百君細仔蕭劍新持有，今季以85分在港出道，天生栗色一副靚仔樣，本身於外地九戰五冠一亞一季一殿，包括兩勝一哩表列賽，戰績非常突出。

「馬克羅斯」來港後曾於田草及谷草1200米各跑過一次第三，近排逐次增程，卒之今晚加程首戰1800米，復配之前騎過的吳嘉晉負109磅排第2檔，由起步到衝線都係最先一駒。

「馬克羅斯」大勝2.5馬位，打開本身在港勝門，造出1分47秒61超快時間，打破了本年3月22日「萬馬飛騰」的1分48秒05舊紀錄，刷新谷草1800米全港紀錄時間，可謂露出真功夫，亦帶挈落飛黨中正綠燈WP及啡燈Q。

第七場二至四名順序為「龍船」、「勁趣」及「共創更好」，四重彩派七萬二千幾。

【吳嘉晉代表作】夥拍大馬主愛駒  刷新全港紀錄時間！

近期馬圈熱話「文藝學家」騎法事件主角潘頓，於呢晚（14日）快活谷第六場三班一哩，策騎大熱門文家良馬房「翡翠福星」後上建功，攻下整晚唯一錦標五陵會鑽禧紀念盃。「翡翠福星」在港首次贏馬，單Win及組合獨贏A1分別派32.5及22.5元。

上周三（7日）谷草夜賽可謂事故多多，先有潘頓騎「文藝學家」不留而放大熱倒灶，引發輿論對馬會監察賽事不力的指控，當晚又有史卓豐策「翡翠紅星」終點前墮馬，「翡翠紅星」亦因跛腳遭人道毀滅。

事隔一周，潘頓今場為「翡翠紅星」同系馬「翡翠福星」操刀。結果人馬連續第三次合作卒之取勝，「翡翠福星」沿途居中後位置，直路衝上贏1.5馬位，替「翡翠」系陣營沖喜一番，為馬主補償番失去「翡翠紅星」條數。「翡翠福星」馬主董吳玲玲賽後拉隊影頭馬相，並向潘頓致以掌聲鼓勵。

文家良表示之前有騎師匯報「翡翠福星」不太集中，所以自2月起為此馬加眼罩，結果效果正面，加眼罩後連同今仗5戰得1冠2亞1季，今場步速夠快，「翡翠福星」可以留一段力衝，形勢有利。董吳玲玲則謂今晚有一大班朋友入場為「翡翠福星」打氣，很開心可順利取勝，賽前有一定信心，因為此駒近期表現穩定。

第六場賽果熱頭冷腳，二至四名均非熱門，並分別為「勁哥兒」、「琪麟穎」及「海都巨星」，四重彩派16萬幾，三T大彩池冇人中正獎，安慰獎派12萬幾。

【冥冥中有主宰】愛駒陣亡七日後  馬主以另一戰馬報捷！

今晚（14日）谷草冇大賽撐場，叫做華人騎師之夜最啱，事關繼23歲巫顯東起孖及43歲賴維銘開齋後，另一23歲見習騎師，外號「火車潘」的潘明輝亦唔執輸有馬贏。

潘明輝於第五場四班1200米，策騎師傅賀賢的「盈華盛甲」，後上爆出27倍冷Win，個人首戰谷草即有馬贏，連帶年僅三歲初跑快活谷的「盈華盛甲」亦告開齋。組合獨贏A3則派33元。

潘明輝今季在港出道，一直只可跑沙田，賀賢早已向馬會申請安排徒弟潘明輝出師谷草，直至上周六谷閘後，馬會才予以批准。這晚火車駛入快活谷作賽，但潘明輝上半場表現一般，只憑頭場「開心健康」上名跑第三。

不過，跑到第五場潘明輝終於嚟料，初策三歲馬「盈華盛甲」出賽，人馬齊齊首戰谷草，早段留住跑守第八位，直路從大外欄越衝越勁，臨門及時超越一眾對手先過終點，爆冷得手。截止目前為止，潘明輝在港共參與過9個賽日，例有馬贏未斷纜，在港增至13場頭馬，距離升格改減七磅尚差七場。

「盈華盛甲」馬主陳慕婷丈夫陳正欣表示，沒有想到此駒跑到第四仗便可交出頭馬，是個驚喜。由於今晚是潘明輝在快活谷第一次上陣，所以都有少少擔心，結果小潘發揮出色，令人十分滿意。

今場「你知我意」及「澤心星」兩匹前置馬順序得二、三名。第四名為祈普敦全晚唯一座騎「金碧旺旺」，四重彩派八萬九千幾。

【最強見習騎師】火車首次駛入港島  以凌厲後勁直衝終點！

華人騎師這晚（14日）谷草表現甚佳，23歲見習生巫顯東包辦第二口孖寶後，第四場三班1000米輪到華將大師兄、足足大佢廿歲的賴維銘發威。現年43歲的賴維銘今場夥拍蘇偉賢馬房「財神」後上一攻而破，錄得個人今季首次贏馬，至於「財神」季內初嘗勝果，單Win及組合獨贏A3分別派302.5及68元。

作為現役最年長華人騎師，出道初期外號「香港戴圖理」的賴維銘，上季只贏「創意寶」一場賽事，另有兩亞兩季，之後他一度受傷患影響，缺陣足足一年半冇出賽食穀種，今季延至4月12日至首度上陣，結果臨近煞科才憑「財神」開齋，是賴仔個人20個月來首場頭馬，可謂苦盡甘來。而大肚人妻黃婉曼，亦有份見證賴維銘這天出走人生黑暗期的一幕，她入場支持「財神」馬主，一齊拉頭馬。

雖然賴維銘近年成績持續低迷，兼不時因傷缺陣，但日前照樣獲馬會發給來季騎師牌照，得以保住飯碗。

講番「財神」，前次出賽流鼻血，上仗久休復出配韋紀力跑田草直路賽，只輸兩個幾馬位，呢次跑番谷草場地，初配賴維銘負磅全場最輕（114磅），早段守八九位，單跑直路最後幾十米，以勁勢追上殺敗最先突圍的雷神大熱座騎「首映」贏頸位，人馬同樣跑出代表作。

「首映」功敗垂成焗做二奶，三、四名順序為落飛馬「威先生」及陳慧琳父親陳崇偉團體馬「鑽石巨匠」，四重彩派五萬二千幾。

【黃婉曼有份見證】43歲坎坷華人騎師  相隔20個月始再贏馬！

果然英雄出少年！近排當旺的巫顯東這晚（14日）在谷草殺得性起，先於第二場勝出葉楚航馬房「心中有善」，隨即在第三場四班1200米，以苗禮德旗下「多多勁驥」再下一城，單Win及組合獨贏A1分別派42.5及20.5元，呢位23歲見習騎師話咁快，就將第二口孖寶據為己有。

「多多勁驥」今場早段守第二位，直路順勢加速贏0.75馬位，成功連捷。巫顯東在港已贏夠20場頭馬升格，將由下次賽事即周日（18日）沙田日馬開始，由受讓十磅轉為受讓七磅。

五歲灰馬「多多勁驥」堪稱谷草1200米專家，上場造就20歲南非騎師麥偉利打開在港勝門。加分後今次再跑此程，改配巫顯東減番十磅，從而維持競爭力，結果人馬首度合作即勝，「多多勁驥」服役增至六捷，清一色於谷草1200米錄得，其他途程未嘗一勝。

第三場賽果熱頭冷腳，87倍全場最冷「帝聖寶貝」前置跑第二，與「多多勁驥」構成1,254元啡燈冷Q，落飛黨單是這條Ｑ已獲利1,200萬。三、四名分別為半冷「哥哥仔」及啡燈熱門「瀟洒兄弟」，四重彩派16萬幾。

值得一提練馬師沈集成本想徒弟巫顯東策「瀟洒兄弟」，但礙於一早已答應苗禮德借出東仔騎「多多勁驥」，據知老苗堅持不肯交回東仔，沈集成無奈才另覓黎海榮為「瀟洒兄弟」主轡。

巫顯東升呢變七磅仔！落飛黨扑中125倍冷Ｑ  獲巨款達……

今晚（14日）谷草頭兩場賽果單睇冧巴，以為係影印機複印咁，須知第二場四班一哩與頭場同班同程，都由2檔9號馬勝出，第二場跑出見習騎師巫顯東座騎「心中有善」（葉楚航馬房），單Win及組合獨贏A2分別派33及24.5元。

呢場賽事末段鬥得好精采，巫顯東策前置的「心中有善」，臨尾兩步力拒郭能座騎後上馬「明月光」的挑戰，兩駒近乎平頭，結果「心中有善」影相險勝一條線；「明月光」僅輸做做二奶。雷神操刀的「常妙星」中段發力透出後，埋門捱唔住得第三，只負短馬頭位。第四名由女歌手JW男友葉韋彤名下馬「一支梅」拎到，四重彩派二萬八千幾。

頭場由1至4檔馬構成四重彩，第二場亦幾乎係咁，2檔「心中有善」、4檔「明月光」、7檔「常妙星」及1檔「一支梅」順序跑入前四名，反映今晚早段內檔馬優勢極之明顯。

葉楚航表示巫顯東策「心中有善」跑得非常醒目，一直頂住及咬實給莫雷拉座騎「常妙星」，沒有給「常妙星」彈甩，否則「心中有善」一定會輸。而今場賽後有位青春版Jessica C.拉頭馬，大露美腿，十分搶鏡。

23歲巫顯東毫無疑問係近期風頭最勁見習騎師，本身已連勝四次賽事，風頭不遜另一牌仔潘明輝。

青春版Jessica C.撐場！小東東出埋飲奶力  一條線之微氣走郭能

今晚（14日）乃今年首個八號波之後嘅首次賽馬，現場唔見有雨，今次B欄掛牌好地至快地，亦已經喺第四場之後進行壓地。

暫時跑咗四場賽事，雖然第四場頭馬「財神」由大師兄賴維銘從後殺上爆冷建功，但其實頭三場冠軍都係入直路時守前三名嘅賽駒，下半場亦宜揀可前置嘅賽駒。

騎師方面，見習生巫顯東頭四場未甩過前四名，共取得兩冠一亞一殿，騎師王以30分佔先，佢將由下期起升格做七磅仔，今晚以十磅仔資格嘅最後兩場，分別為第六場「愛美麗」及第八場「大英雄」，點可以錯過？

另外，大師兄賴維銘於第四場作出零的突破，今晚上半場可謂華將之夜！

【賽事走勢】好感動！大師兄歸位喇

快活谷這晚（14日）頭場四班1650米，由雷神莫雷拉先拔頭籌，他策騎方嘉柏馬房的「好醒」增程跑中距離，首次角逐此程，結果直路在中檔加速突圍建功，單Win及組合獨贏A1分別派41.5及24.5元。

「好醒」過去只於上季贏過一場四班田草1200米，今季屢拼未勝，馬兒以往最長只戰至1400米，今仗1650米冇根據。但「好醒」上仗跑第三近績佳，今次雷神再騎，抽2檔且只負116磅，仍有4.1倍其實頗超值，結果「好醒」沿途前置下，直路再爆一段，最終以一頭位之先趕過放頭馬「駕善」，打開今季勝門。

「好醒」的年輕馬主王經緯表示，他和家人差不多已有十個月沒有頭馬拉，他幽默地說等了這場頭馬，等到自己頭髮也白了。他指「好醒」狀態一直都幾fit，可惜欠點運氣，上季後久未能再捷，今仗用莫雷拉亦只贏少少，真是很驚險，要抹一額汗。方嘉柏則謂「好醒」之前有關節問題，需要時間治理，馬兒4月時涉及一宗連環墮馬意外，幸而沒有留下心理陰影，今場莫雷拉取位順利，慳位而上，發揮出色應記一功。

今場由2檔「好醒」勝出，二至四名順序「駕善」（1檔）、「開心健康」（3檔）及「威震天」（4檔），換言之由1至4檔馬包辦前四名，四重彩派6,098元。

雷神盡砌亦只險勝！年輕馬主：這場頭馬等到我頭髮都白

馬會宣佈徐雨石馬房「及時取勝」、大摩馬房「威力川」均已告退役。

5歲澳洲自購馬「威力川」馬主是曾炳威，現評一班106分之高，在港只8戰得2冠4亞1季，只曾落第一次，累積獎金$4,691,975元。此駒最為人津津樂道一戰，當然是去年10月16日二班1400米，輕勝大勝大熱門「巴基之星」。可惜「威力川」之後受傷患困擾，左前腿懸韌帶受傷，至今已缺陣逾半年，近日牠本來還有點踱步操練，但延至今日最終還是支持不住退役了。

至於5歲澳洲自購新馬「及時取勝」馬主包括海皇粥店老闆蕭楚基，此匹三班馬在港曾4勝快活谷1200米，由於本月7日賽後流鼻血關係，無奈退役。

曾大勝巴基之星！大摩當打頂班馬傷重告別

嚟緊禮拜日（18日）沙田日馬，並無任何大賽上演，最強戲碼只係得兩場二班賽，不過其中二班田草1200米都算有睇頭，單係「喜悅繽紛」、「海翡翠」、「獅子驄」三駒，季內已合共取得14場頭馬，到臨唞暑佢哋又再上陣，究竟呢三隻馬可延續佳績，抑或已係強弩之末呢？

其中「喜悅繽紛」5捷後不但試過大閘勝出，今仗還續雷神莫雷拉，估計一定受到熱捧。但其實呢場絕非上述三駒玩晒，有隻後起之秀，隨時將上述三大多捷馬一網成擒，就係賀賢馬房「小巨人」。

話說四歲的「小巨人」上仗在港初出，於三班田草1200米，只係擊敗實力非太強之「綠勇士」，但要留意當日「小巨人」沿途守第三位下，直路一望空即自動脫穎而出，潘頓不斷向後望，既冇落過鞭，亦無大力催策，扣實座騎已行過對手，就此贏1.75馬位，姿態猶如晨操般，質素隨時超對手兩班，認真得人驚。

「小巨人」連同外國兩戰1300、1400米，換句話說歷來共3仗全勝，而為咗迎接周日初上二班之戰，「小巨人」亦好有誠意，上周特意由潘頓親自試一課大閘，結果走勢強勁勝出。相比起「喜悅繽紛」，「小巨人」不但跑得少體力佔優，而且受讓「喜悅繽紛」10磅，可能就係勝負關鍵。

【期待嗎？】三星級馬今季共14捷  周日同場圍攻一名巨人！

今晚（14日）谷草賽事用B跑道，度地儀指數2.71，場地掛牌為好地。如天氣情況許可下，將按計劃在第4場後進行壓地

睇番最近5月17日同一移欄八場賽事，當晚掛牌好地至快地及度地儀指數2.7，全晚連場有內檔馬上名，一至三檔更合力交出五WIN，而且逾半頭馬守前四位入直路建功，其中「富貴榮華」及「愛樂寶」均放頭帶到，具前速之中內檔馬仍然要優先留意。

今戰列陣馬中，第五場「澤心星」及第八場「愛樂寶」一對方嘉柏馬房賽駒，上仗正是於5月17日谷草B欄贏馬替馬房起孖，今次雙雙吼準同一移欄再跑，有力照辦煮碗。

另外，第四場「忠心義氣」五次跑谷草B欄全入前四名，抽埋黃金一檔值得睇好。

今晚咩環境？

6月14日第九組沙田1050米泥閘 名次　馬匹　積奇評語 1　八心之友：取勝姿態輕鬆 2　白玉至尊：搶走末段保持 3　天狼星　：跟放直路按住 4　仁愛之星：跟跑未受考驗 龍城猛將：冇到場 有智慧　：冇到場 手風大順：冇到場 華美之友：冇到場 天寶　　：冇到場

【試閘戰報】五駒縮沙唔試！三歲新勝馬勇熟再進

6月14日第八組沙田1200米泥閘 名次　馬匹　積奇評語 1　福之寶　：推騎搶放帶到 2　亞馬寶寶：跟前直路按住 3　幸運坊　：跟前末段尚可 4　騂龍　　：開鞭考驗一般 5　贏歌　　：力騎大步稍追 6　四小福　：直路輕騎稍追 7　有智者　：按住跟跑未試 8　繽紛駿驥：慢閘落後跟跑 世界紀錄：冇到場

【試閘戰報】處女馬忽然有料到！拋離比自己高76分的佳駟

練馬師容天鵬近期頻頻發動攻勢，近十戰九次有馬勝出或入Q，剛戰亦有「霽月高風」勝出。

今晚（14日）容天鵬共派四駒上陣，包括一對新勝馬「合作愉快」及「中華壹號」，其中「合作愉快」由馬房愛將梁家俊接手，有力繼續贏馬。

第四場三班1000米，「合作愉快」今季雖然遲至四月才復出，不過跑過三仗全入前四名，其中上仗更在谷草1000米一放到底勝出，要留意此駒沿途前領，末段竟仍可造最快末段時間22秒54，將所有對手拋離得更遠，屬於極高難度之動作。

翻查紀錄，上季谷草只得兩駒放頭取勝下，兼能夠造出全場最快末段時間，分別係「超好玩」及「文藝復興」。結果「超好玩」再出入Q，「文藝復興」翌仗則連捷。

「合作愉快」挾相同賽績模式而來，加上容天鵬與梁家俊三月至今於谷草合作五匹十倍以下熱門馬，獲一勝三位一第五，值得重視。

上季僅出現過兩次！第四場有隻新勝馬  造出高難度動作

6月14日第七組沙田1600米草閘 名次　馬匹　積奇評語 1　比卡超　：末段輕鬆趕上 2　型酒杯　：帶放末段力弱 3　原居盟友：按住輕鬆跟跑 4　翱翔萬里：走勢不過不失

【試閘戰報】「火車潘」接手三級賽亞軍勝出！

6月14日第六組沙田800米草閘 名次　馬匹　積奇評語 1　永旺喜喜：夠快一放到底 2　美麗寶貝：輕騎大步追上 3　威武再現：跟前末段再追 4　環翠戰士：居中推騎肯走 5　金威利　：外檔輕鬆跟跑 6　金禧貴人：力騎走勢平常 7　陽明獅獅：跟放末段墮退 8　金獅雷將：末段力騎稍追 9　天皇行者：末段騎落墮退 10　劍二十：慢閘走規生硬 11　超正　：按住落後跟跑 12　歡歡喜喜：按住遠遠落後

【試閘戰報】兩歲馬首次試閘鋒芒畢露！

6月14日第五組沙田草閘800米 名次　馬匹　積奇評語 1　 飛越銀河：夠快輕鬆勝出 2　 森林之王：末段輕騎追上 3　 葵涌老友：按住有前有後 4　 猴王駒　：跟前表現尚可 5　 運才　　：按住輕鬆跟跑 6　 威風極速：力騎走勢平常 7　 威進駒　：居中末段稍追 8　 錶之霸　：走規稚嫩跟跑 9　 盡開顏　：按住順走未試 10　舉世無雙：慢閘墮後跟跑 11　鑲黃旗　：全程毫無表現 12　快利寶　：走勢生硬未熟

【試閘戰報】盆骨曾重創新馬  喜見痊癒走勢強勁

6月14日第四組沙田草閘1000米 名次　馬匹　積奇評語 1　 旅遊皇者：有前有後輕勝

【試閘戰報】拍賣馬再勝一閘！720萬皇者大勝五馬位

【試閘戰報】雷神霸住唔放手！720萬皇者大勝五馬位

見習騎師10磅仔「火車潘」潘明輝喺香港上陣2個月左右，迅速獲馬會開綠燈，允許他今晚（14日）起首次喺跑馬地出賽。季尾戰馬有10磅減威力非同小可，另一邊廂祈普敦就當黑，上期「智愛」入閘後發老脾起擒，祈普敦被拋起，背部肌肉撞到閘廂，好彩傷勢輕微，但當日他須退下火線。

最慘原本祈普敦騎嘅「駿明珍寶」同「美麗寶寶」易配潘頓贏晒。今晚小祈竟然只得第5場「金碧旺旺」一匹座騎，小祈今季都有39場頭馬，問佢今次發生乜事支持度急跌，佢話除咗「金碧旺旺」，原定會騎「金禧足球」，但排位前因健康問題退出，仲有一個原因喺同「火車潘」有關。

「火車潘」師傅賀賢今次有5匹賽駒由徒弟上陣，但上星期四報名表公佈後，馬會仍未作決定讓潘明輝喺跑馬地出賽，賀賢當然要有兩手準備，立即mark實小祈，萬一「火車潘」未跑得，多匹戰馬就轉交小祈壓陣。換言之小祈角色有啲似「後備騎師」，而他亦因此不接其他馬。

直至上星期六谷閘結束後，馬會才開綠燈畀「火車潘」喺跑馬地出賽，故此一批賀賢賽駒，順理成章畀「火車潘」執韁，小祈因此多場坐冷板。

當年今日