Gigi姐不諱言唔少菜式都係從朋友、廚師身上偷師，「好似今次嘅三色蛋，其實係我一個台灣朋友整畀我食，自己返屋企咪再試吓改良吓囉。」原裝版本用豬油，Gigi姐嫌肥膩，於是改以橄欖油，然後加入烹飪書內公諸同好。 Gigi姐7月會推出第三本烹飪書，主打家鄉菜，慕名上門黐餐的人亦愈來愈多，「之前鄧萃雯去溫哥華都專誠嚟試吓我嘅手勢……見到佢哋食得開心我就滿足㗎喇。」以後途經溫哥華見肚餓識做啦？

材料：鹹蛋（切粒）、皮蛋（切粒）、雞蛋各3隻（拌勻）、清水3湯匙、橄欖油1湯匙 煮法： 1.雞蛋加水及油拌勻，再加鹹蛋及皮蛋粒； 2.倒入已抹油的盛器，大火蒸15分鐘，放涼後切件即可。

當年今日