一位美國基金經理經左丁山介紹，去年尾來港見過證券T之後，留下好好印象，呢日畀電郵邀請證券T到美國一遊，等佢一盡地主之誼。證券T一向有話直說，回電郵，云：「今年四月到AnnArbor參加大學畢業禮，之後去底特律，飛紐約，到機場排隊，飛機誤點，上機前安檢等等，麻煩到極，碰見嘅美國機場政府官員態度惡劣，令我覺得去美國旅行實在太辛苦……」九一一後，去美國旅行，人人喊辛苦麻煩，若非有家事公事，到美國旅行實在唔值得。 電腦J剛自佛羅里達州奧蘭多市回來，到廸士尼樂園一遊，猛讚奧蘭多廸士尼與香港廸士尼係牛髀與蚊髀之比，去完之後唔會再去香港廸士尼。問佢做乜咁鬼好閒情逸致到佛羅里達，電腦J講：「IBM開會吖嘛。」佢又講到奧蘭多酒店房租便宜，入住率低，似乎遇上不景氣，遊客不多。但又加多一句：「出入美國坐飛機確係辛苦，機場安檢麻煩到死，冇會開都係唔使去。」咪係囉。美國為咗反恐，對外來人士諸多限制，我哋唔去冇乜損失，損失嘅就係美國酒店旅遊界。 電腦J又講到奧巴馬與希拉莉爭出線，各自精彩，奧巴馬出身HarvardLaw，一舉擊敗YaleLaw出身嘅希拉莉，可謂精英大對決，奧巴馬贏咗會大戰越戰老將麥凱因，耶魯大學校友霸住美國白宮連續二十年，行將結束。大家見到喬治布殊笨頭笨腦咁款，大概唔多覺得佢竟然係耶魯畢業兼哈佛MBA。不過競選做美國總統之人，唔可以表現出，擺出一個哈佛精英款，要扮美國中產，有啲中西部農民feel就最啱，喬治布殊似到十足十，故此僅勝穿着漿熨潔白恤衫嘅哈佛叻仔戈爾以及大勝講吓法文，要食瑞士芝士嘅耶魯精英克里（Kerry）。奧巴馬夫婦雖然出身貧窮，但兩人都係哈佛法學院校友，莫講在黑人社會，即使係在白人之中，亦係精英中之精英，喺總統選舉對住一位貌似中產農民嘅海軍英雄麥凱因（雖則麥凱因太太來自大富人家），能否真係贏得選舉，仲係未知之數，呢場仗有排打。

旅行美國 - 左丁山

北京朋友來電，說要到港同老外簽約。本來人家是到北京開會的── 「奧運前，老外簽證受限制，他到西安那回已用掉簽證，近日不獲批准到北京。我只好飛港，而老外也由德國飛港會合。」 「那也好。」 「甚麼？」 「若海峽兩岸直航提前實施，不必經香港中轉，流失的台客得靠你們幫補一下。」 「真夠嗆的。」對方苦笑：「下星期還得奔波杭州一趟。」 「去玩兒？」 「才怪。談事情。現在當教授或老師甚麼的，都放假了，因為他們沒北京的戶口，奧運期間全放回原籍城鄉。所以得遠赴老家。」 「『清理門戶』後，京城便如蒸餾水消毒藥水般了。」 「來看奧運吧？酒店價錢長了三到六倍還沒空房間。交通必然管制不方便。食物更貴。雖說蒙遊客，要不要湊熱鬧？百年一遇啊。」 「誰要？一想到觀賽時加油喝采，得統一手勢、指定口號，還要跟足示範，完全扭曲情緒反應，回到紅寶書忠字舞扭秧歌的年代──一旦跟不上或快半拍，活脫脫像個神經病。吃飽了撐的？還奔囚籠和水牢裏培訓？」 「那乖乖獃在港，我們來促進旅遊業。要限量版郵票嗎？」

當年今日