03年5月，Kenneth着手組Band，被隊員們專稱為阿Sir的他回想組隊經過：「當時我諗後生仔好多都鍾意聽RockMusic，搞隊公司Band實有興趣。」Kenneth自言年輕時代彈木結他唱民歌追女仔，做爸爸後又教囝囝彈結他，組Band自然預埋自己一份，樂隊終在03年7月正式成立。「我哋第一次上台係喺公司歌唱比賽做表演嘉賓，當時反應好好，我哋重『一炮而紅』，之後又有唔少部門嘅大型活動都搵我哋助興，亦試過幫慈善團體表演，滿足感真係好大。」

樂隊至今成立近兩年，每隔數月便參與一次大型表演，Kenneth最難忘的，還是上月公司主席的FarewellParty，「嗰次全部有份出席的高層都興奮到衝上台唱歌，之後我哋執晒嘢都話要清唱，有觀眾重幫我哋伴舞㖭！」觀眾看得興起，對表演者來說無疑是鼓勵，但Kenneth笑言在公司組Band，其實還有不少好處：「首先是減壓。夾Band時會全情投入，只需盡情舒發情感。另一方面又可建立團隊精神，好似點解『I』係大草？事關人人都會覺得自己最叻、最醒，但夾Band好講合作性，每個隊員都有重要性，呢種精神都可以用於工作上。」

有正必有反，與同事夾Band又可有壞處？「我哋旨在玩又唔係專業，彈錯咗咪再嚟過囉，咁耐以來都冇爭拗！」聯絡人Bianca更笑謂：「咪以為同事一定講公司八卦嘢，大家來自唔同部門，點講呀？直落飲酒吹水，又或者去聽LiveBand就有。重有阿Sir係高層，可以租到公司的靚遊艇，大家重會出海玩㖭！」現時樂隊成員約有15人，有家室的佔了一半，每兩星期一次的五小時練習，眾人都會盡量依時出席，講到拿手好歌，「Venus、HotelCalifornia、StandByMe...」Kenneth如此道。還是以老歌居多。

當年今日